Okukala nexwamo ohaku ningifa vamwe navo va kale ve na exwamo. Ngeenge otu na exwamo, ovanhu otava ka yandja elitulemo kwaasho hatu popi. Ohali ulike yo kutya otwa lenga etumwalaka letu. Ongahelipi hatu dulu okukala nexwamo, kashi na nee mbudi kutya otwa dja meputuko la tya ngahelipi ile otu na omaukwatya elipi? — Rom 12:11.

Shotete, diladila kutya omolwashike etumwalaka loye la fimana. Ou na oufembanghenda ‘wokuudifa onghundana iwa.’ (Rom 10:15) Oshitivali, dilonga kouwa oo ovapwilikini voye tava dulu okumona monghundana iwa. Ova pumbwa shili okuuda osho to popi. (Rom 10:13, 14) Xuuninwa, popya nouladi to longifa omaudi okoshipala paushitwe.

TALENI OKAVIDIO MONA EHAFO MOSHILONGA SHOKUNINGA OVANHU OVAHONGWA — XWEPOPALEKA OUNGHULUNGU WOYE — OKUHONGA NEXWAMO, NDELE TAMU KUNDAFANA OMAPULO TAA SHIKULA:

• Oshike sha li sha ningifa Neeta a kale ehe na vali exwamo mekonakonombiibeli olo ha ningi naJade?

• Oshike sha li sha kwafela Neeta a kale vali e na exwamo?

• Omolwashike twa pumbwa okuyandja elitulemo komaukwatya mawa ovapwilikini vetu?

• Ngeenge otwa kala tu na exwamo otashi ka kuma ngahelipi ovakonakonimbiibeli vetu nosho yo vamwe?