Tu li ovanhu inatu wanenena, ohatu kondjo alushe, opo tu pashukile omahalo etu. Ngeenge otwa efa e tu pangele, itatu ka kala vali twa hokiwa kuJehova. Pashihopaenenwa, vamwe ova efa omahalo avo oikulya, oikutu neenhele dokukala e va ningife vaha kale vali ve hole Kalunga. Vamwe ohava wanifa po omahalo avo opamilele monghedi oyo tai nyono omifikamhango daKalunga. (Rom 1:26, 27) Natango vamwe ohave liyandje komafininiko oomakula molwaashi va hala okukala ve holike nova tambulwa ko. — Ex 23:2.

Ongahelipi hatu dulu okukala hatu pashukile omahalo etu? Otu na okukendabala okuyandja elitulemo koinima yopamhepo. (Mat 4:4) Otu na yo okupula Jehova e tu kwafele tu kale hatu pangele omahalo etu. Omolwashike mbela? Omolwaashi oku shii osho sha denga mbada kufye, noku shii yo kutya omonghedi ya denga mbada ilipi ta dulu okuwanifa po omahalo etu mawa — Eps 145:16.

TALENI OKAVIDIO INO LININGA OMUSHILI WOMAKAYA, OPO NEE TAMU KUNDAFANA OMAPULO TAA SHIKULA:

• Omolwashike ovanhu vamwe hava shili omakaya?

• Okushila omakaya otaku ku etele shike?

• Omolwashike okushila omakaya nokushila eepaipi kwa puka? — 2Ko 7:1

• Ongahelipi to dulu okwaanya omakaya, ile nokuli oku a efa po