Opo ovakonakonimbiibeli va hafife Kalunga ove na okukala ve na eitavelo la kola. (Heb 11:6) Ohatu dulu okuhanga omitima davo, hatu longifa embo Nghee to dulu okuhafela onghalamwenyo fiyo alushe! Embo olo oli na omishangwa denenediladilo, onghedi yokutomhafana ya yela nawa, omapulo taa ti sha, ouvidio va tunhula nosho yo omafano mawa. Ngeenge otwa kwafele ovakonakonimbiibeli va kulike omaukwatya opaKriste nova kale ve na ekwatafano naKalunga otava ka kala va pama. — 1Ko 3:12-15.

Vamwe ohava mono shidjuu okupanga oukaume naKalunga, oo iha monika. Onghee otwa pumbwa oku va kwafela va shiive Jehova noku mu lineekela.

TALENI OKAVIDIO PAMEKA EITAVELO LOYE MUJEHOVA TO LONGIFA EMBO “NGHEE TO DULU OKUHAFELA ONGHALAMWENYO FIYO ALUSHE!” NDELE TAMU KUNDAFANA OMAPULO TAA SHIKULA:

• Otu shi shii ngahelipi kutya omumwameme okwe lilongekidila nawa ekonakonombiibeli?

• Okwa longifa ngahelipi noukeka omapulo, opo a kwafele omukonakonimbiibeli a holole omaliudo a ye e na sha naJesaja 41:10, 13?

• Okavidio nosho yo Ombiibeli oya kuma ngahelipi omukonakoni?

Ovanhu vahapu kave udite ko ekulilo, ile inave li tala ko li li oshali ya dja kuKalunga. (Gal 2:20) Onghee natu va kwafele va kulike eitavelo mekuliloyambo laJesus.

TALENI OKAVIDIO PAMEKA EITAVELO LOYE MUJESUS TO LONGIFA EMBO, “NGHEE TO DULU OKUHAFELA ONGHALAMWENYO FIYO ALUSHE!” NDELE TAMU KUNDAFANA OMAPULO TAA SHIKULA:

• Otu shi shii ngahelipi kutya omumwatate okwe lilongekidila nawa ekonakonombiibeli?

• Okwa longifa ngahelipi ouyelele oo u li koshi yoshitukulwa “Tala ouyelele wa wedwa po,” opo a kwafele omukonakoni?

• Omolwashike okwiilikana pamwe nomukonakoni kwa fimana?