Eshi onghalelo younyuni ou tai ende ya yuka pexulilo, otwa teelela okuhapupala komakuyunguto, oukulo nosho yo oita. (Eh 6:4) Ongahelipi hatu dulu okulilongekidila omaupyakadi oo hatu ka shakeneka monakwiiwa?

• Lilongekida pamhepo: Konga omafinamhango opaMbiibeli nomahokololo oo taa dulu oku ku kwafela u pameke elineekelo loye muJehova nosho yo mehangano laye, notaa dulu oku ku kwafela u kale u he na ombinga. (Omayel 12:5; jr-E 125-126 ¶23-24) Paife olo efimbo lokupameka ekwatafano letu novamwatate nosho yo ovamwameme meongalo. — 1Pe 4:7, 8

• Lilongekida palutu: Konga onhele ya amenwa, ngeenge omo to kala meumbo. Longekida yo osho to ka ninga po, ngeenge oto ka dja mo meumbo. Tala kutya mokandjato koye kopaulumomhumbwe omu na shike, ndele to tula mo oinima yokulaamena nosho yo oimaliwa. Kala u shii eengodi dovakulunhuongalo, noku va shiivifila nghee tava dulu okukwatafana naave. — Jes 32:2; g-E 17.5 3-7

Pefimbo lomakuyunguto, kala u na onghedindjikilile yokuninga oinima yopamhepo. (Flp 1:10) Henuka okukala to endaenda inashi pumbiwa, shapo okuninga to di mo monhele lela. (Mat 10:16) Tukulilafana navakweni oikulya nosho yo oinima imwe i lili. — Rom 12:13.

TALENI OKAVIDIO OWE LILONGEKIDILA NGOO OIPONGA YOPAUSHITWE? NDELE TAMU KUNDAFANA OMAPULO TAA SHIKULA:

• Ongahelipi Jehova ta dulu oku tu kwafela pefimbo loiponga?

• Eenghatu tadi kwafa dilipi hatu dulu okukatuka, opo tu lilongekide?

• Ongahelipi hatu dulu okukwafela vakwetu ovo va kumwa koiponga yopaushitwe?