OKUKALA OMUKRISTE WASHILI
Mbela owe lilongekida ngoo eshi ouxupilo tau ende tau kande omapunya?
Ihashi tu kumwifa eshi oiningwanima oyo tai ningwa mounyuni tai ningifa ouxupilo u kale wa naipala mounyuni aushe. Omolwashike? Omolwaashi otu li momafimbo axuuninwa nOmbiibeli oye tu londwela tuha tule elineekelo letu “moinima oyo tai xulu po.” (1Tm 6:17; 2Tm 3:1) Oshihopaenenwa shohamba Josafat otashi tu hongo shike shi na sha nokukala twe lilongekidila ouxupilo oo tau kande omapunya?
Josafat okwa li e lineekela muJehova eshi a li a taalela onghalo idjuu, eshi a li a ponokelwa koiwana. (2Omaf 20:9-12) Okwa li yo a longekida oshiwana komesho yefimbo mokutula oilando eehotekuma nokutula po ovanangeli. (2Omaf 17:1, 2, 12, 13) Ngaashi Josafat, natu kale twe lineekela muJehova nokulilongekidila eenghalo didjuu.
TALENI OKAVIDIO OWE LILONGEKIDILA NGOO OIPONGA? NDELE TAMU NYAMUKULA OMAPULO TAA SHIKULA:
-
Oshike hatu dulu okuninga po pauhandimwe, opo tu lilongekidile oiponga?
- Ongahelipi hatu dulu okulilongekida, opo tu kwafele vamwe?
