OMOLWASHIKE SHA FIMANA: Okuyandja oundombwedi okupitila mongodi oshi li onghedi ya fimana “yokuudifa onghundana iwa.” (Oil 20:24) * Otashi tu pe omhito yokuyandja oundombwedi kovanhu ovo eenghalo itadi shi pitike tu va talele po komudidi.

NGHEE HATU DULU OKU SHI NINGA:

• Lilongekida. Hoolola oshikundafanwa osho tashi wa palele. Ninga omadidilikoshango aasho to ka popya. Oto dulu yo okulongekida etumwalaka li li pauxupi omo wa yelifa kutya omolwashike wa denga, ngeenge ino nyamukulwa komunhu komudidi. Oshiwa yo okukala omutumba poshitaafula u na omadidilikoshango oye nosho yo oinima imwe oyo tashi dulika wa pumbwa, ngaashi oshikwaelektronika sha patuluka ko JW Library^® ile ko jw.org^®

• Kala wa manguluka. Popya paushitwe. Limemesha nokuninga omaudi wa fa ngeno omunhu e ku wete eshi to popi. Henuka okukanghama inashi pumbiwa. Ohashi kwafele yo okulonga pamwe navamwe. Ngeenge omuneumbo okwa pula epulo, li endulula mokule opo oo tamu longo naye e ku kwafele u mone enyamukulo

• Dika po ekanghameno lelishuneko. Ngeenge omunhu okwa ulike ohokwe, mu fiila epulo olo to uya okunyamukula moshikando tashi landula ko eshi to ka denga. Oto dulu yo oku mu tumina oshifo pa e-mail, oku shi twala ko komudidi, ile oku shi mu tumina mopoosa. Ile oto dulu oku mu tumina okavidio ile oshitukulwa pa e-mail ile ko-whatsApp. Ngeenge otashi shiiva, oto dulu oku mu lombwela kombinga yoitukulwa yetu imwe oyo i li ko-website