Oilonga yetu yokuudifa oya endelela, unene tuu eshi oudjuu munene tau ehene popepi. (Omayel 24:11, 12, 20) Opo tu kwafele ovanhu va ude Eendjovo daKalunga, otwa pumbwa okulongifa okakalata oko take va kwafele va ye konhele yetu yokointaneta. Okakalata oko oke na o-code oyo tai va kwafele va ye odikilila kokavidio Omolwashike u na okukonakona Ombibeli? notake va kwafele va pule ekonakonombiibeli. Ovanhu vamwe kave hole okutambula oishangomwa yetu, ashike ove na ehalo lokuya ko-website yetu. Onghee hano, inatu ongaonga oku va pa oukalata. Oukalata ovo inatu va pa ovanhu ovo vehe na ohokwe.

Ngeenge to i koilonga yoye yefiku keshe, oto dulu oku ka pa omunhu oo e na ohokwe to ti ashike: “Onda hala oku ku pa oshinima shi li apa. Okakalata aka otake ku twala ko-website oko ku na ouyelele muhapu noku na ouvidio va yoolokafana.” (Joh 4:7) Molwaashi okakalata oko okanini, oto dulu okuxupifa po vamwe u kale ho yandje kuvamwe pomhito keshe to mono.