OKUKALA OMUKRISTE WASHILI
Ovanyasha, mbela Jehova oye ngoo kaume keni kopofingo?
Omaukwatya elipi wa hala kaume koye a kale e na? Otashi dulika wa hala a kale e na omaukwatya ngaashi oudiinini, olune nokuyandja. Jehova oku na omaukwatya aeshe oo. (Ex 34:6; Oil 14:17) Oha pwilikine ngeenge to ilikana kuye. Ohe ku kwafele alushe ngeenge wa pumbwa ekwafo. (Eps 18:19, 35) Ohe ku dimine po. (1Jo 1:9) Jehova ke fi tuu kaume a denga mbada!
Ongahelipi to dulu okukala kaume kaJehova? Lihonga kombinga yaye mokulesha Eendjovo daye. Mu mbubulila omutima woye. (Eps 62:8; 142:2) Ulika kutya owa lenga oinima oyo ya fimana kuJehova, ngaashi Omona waye, Ouhamba waye nosho yo omaudaneko aye e na sha nonakwiiwa. Lombwela vamwe kombinga yaye. (Deut 32:3) Ngeenge owa pange oukaume wopofingo naJehova, ota ka kala kaume koye fiyo alushe. — Eps 73:25, 26, 28.
TALENI OKAVIDIO OVANYASHA — ‘MAKELENI MU TALE OUWA WOMWENE APA U FIKE,’ NDELE TAMU KUNDAFANA OMAPULO TAA SHIKULA:
-
Ongahelipi to dulu okulilongekidila okuliyapulila Jehova nokuninginifwa?
-
Ongahelipi vamwe meongalo tava dulu oku ku kwafela u longele Jehova?
-
Oukalele ohau pameke ngahelipi ekwatafano loye naJehova?
-
Oukaume naJehova otau dulu okukala fiyo alushe!
Oinakuwanifwa ilipi to dulu okukala u na moilonga yaJehova?
-
Oshike u hole kombinga yaJehova?
