Eendombwedi daJehova odi na oufembanghenda we likalekelwa. Tu li Ovakriste twe liyapulila Jehova notwa ninginifwa, ohatu twikile okukulika ekwatafano lomoule nOmunamapangelo Aeshe, Jehova. Okwe tu nanena kuye okupitila mOmona. (Joh 6:44) Oha pwilikine yo komailikano etu. — Eps 34:15.

Ongahelipi hatu dulu okwaamena ekwatafano olo tu na naKalunga le likalekelwa? Shotete, otwa pumbwa okuhenuka okuninga oinima ii oyo Ovaisrael va li va ninga. Diva konima eshi va ninga ehangano naJehova, ova li va ninga onhana yoshingoli, ndele tava hovele okulongela oikalunga. (Ex 32:7, 8; 1Ko 10:7, 11, 14) Otashi dulika tu lipule kutya: ‘Ohandi linyenge ngahelipi ngeenge handi yelekwa ndi longe owii? Mbela eenghatu dange ohadi ulike ngoo kutya onda lenga ekwatafano lange naJehova?’ Ngeenge otwa kala tu hole neenghono Tate yetu womeulu, ohatu ka ya onhapo oinima oyo e tonde. — Eps 97:10.

TALENI OKAVIDIO AMENA EKWATAFANO LOYE NAJEHOVA (KOL 3:5), NDELE TAMU KUNDAFANA OMAPULO TAA SHIKULA:

• Olwisho oshike?

• Omolwashike twa pumbwa okuhenuka olwisho nosho yo okulongela oikalunga?

• Ongahelipi okunyona ohombo kwa pambafana nokulongela oikalunga?

• Omolwashike unene tuu ovo ve na oinakuwanifwa mehangano laJehova va pumbwa okufila oshisho eemhumbwe dookaume kavo kopahombo?