Omutondoki okwa pumbwa okukala he lideula alushe opo a kale a pyokoka. Sha faafana, otwa pumbwa okutwikila okukala hatu ningi eenghendabala tu deule eendunge detu dokuyoolola opo tu kale tu di na alushe. (Heb 5:14) Nonande otashi dulika tu kwatwe keamo lokuhopaenena omatokolo avamwe, otwa pumbwa okulihonga okukala hatu diladila kufye vene nokuninga omatokolo etu vene. Omolwashike mbela? Omolwaashi keshe umwe womufye ote ke lihokolola omolwomatokolo oo ta ningi. — Rom 14:12.

Inatu diladila kutya ohatu ka ninga omatokolo e li pandunge molwaashi ashike twa kala hatu longele Jehova omido dihapu. Opo tu ninge omatokolo e li pandunge, otwa pumbwa okukala twe lineekela muJehova filufilu, mEendjovo daye nosho yo mehangano laye. — Jos 1:7, 8; Omayel 3:5, 6; Mat 24:45.

TALENI OKAVIDIO ‘KALENI MU NELIUDO LIWA,’ NDELE TAMU KUNDAFANA OMAPULO TAA SHIKULA:

• Emma okwa li e na okuninga etokolo lashike?

• Omolwashike twa pumbwa okuhenuka okupopya omataleko etu ngeenge tashi uya poinima ya kwatela mo eliudo?

• Ovalihomboli vamwe ova li va pa Emma omayele opandunge elipi?

• Emma okwa li a hanga ouyelele peni oo wa li we mu kwafela monghalo yaye?