MuNovemba, ohatu ka ninga eenghendabala de likalekelwa tu udife onghundana iwa kutya ounyuni mupe ou li popepi. (Eps 37:10, 11; Eh 21:3-5) Liunganeka nawa opo u ka kufe ombinga pauyadi moshikonga osho. Ngeenge owa kufa oukwafelikokolindjila omwedi oo, oto dulu okuhoolola okulonga eevili 30, ile 50.

Lilongekida okuleshela ovanhu vahapu ngaashi tashi dulika omushangwa u na sha nounyuni mupe. Ngeenge to hoolola omushangwa, diladila oo tau ka kala uhokwifa kovanhu vomoshitukulwa sheni. Ngeenge omunhu okwa ulike ohokwe petalelepo lotete, mu pa Oshungonangelo, No. 2 2021. Opo nee, ninga elishuneko diva ngaashi tashi dulika nokukendabala okuhovela ekonakonombiibeli to longifa okambo Nghee to dulu okuhafela onghalamwenyo fiyo alushe! Itashi ka kala tuu shihafifa okukufa ombinga mokuudifa “ondaka iwa” i na sha noinima iwa! — Jes 52:7.

TALENI OKAVIDIO KEIMBILO LOKO-BROADCASTING OUNYUNI MUPE, NDELE TAMU KUNDAFANA OMAPULO TAA SHIKULA:

• Okakadona oko kanini otaka dilonga konakwiiwa itunhula ilipi?

• Oinima imwe ilipi wa teelela nodjuulufi mounyuni mupe?

• Ongahelipi okudilonga keteelelo loye taku ku kwafele u ka kufe ombinga pauyadi moshikonga muNovemba? — Luk 6:45