Onghalamwenyo yomomafiku axuuninwa oi yadi omashongo. Eshi twa yuka pexulilo longhalelo ei yoinima, omaupyakadi otaa ka hapupala. Omafimbo amwe otashi dulika tuha kale tu na oipumbiwa ya wana. (Hab 3:16-18) Oshike tashi dulu oku tu kwafela tu kale tu na omukumo kutya ohatu dulu okulididimika, nonande ouxupilo otau kande omapunya? Natu twikile okulineekela muKalunga ketu, Jehova. Okwa undaneka kutya ota ka fila oshisho ovapiya vaye, note ke tu pa keshe osho twa pumbwa monghalo keshe. — Eps 37:18, 19; Heb 13:5, 6.

Osho to dulu okuninga:

• Pula Jehova e ku wilike, e ku pe ounongo noku ku yambidida. — Eps 62:8

• Kala u na ehalo lokutambula ko oilonga oyo ino longa nale. — g-E 1/10 8-9, noimhungu

• Kala alushe ho lesha eendjovo daKalunga pandjikilile, ho kala pokwoongala noho kufa ombinga moukalele

TALENI OKAVIDIO TUNGA EUMBO OLO TALI KALELELE — ‘ESHI MU KWETE NASHI MU WANENE,’ NDELE TAMU KUNDAFANA OMAPULO TAA SHIKULA:

• Omaukwaneumbo amwe okwa li a taalela omashongo elipi?

• Oshike sha fimanenena monghalamwenyo?

• Ongahelipi hatu dulu okukwafela ovo va taalela ouxupilo tau kande omapunya?