OKUKALA OMUKRISTE WASHILI
Lineekela muJehova, ngeenge to shindwa
Okushindwa kuumwe otashi dulu oku tu ehameka palutu nosho yo pamadiladilo. Otashi dulu okukuma ekwatafano letu naJehova, ngeenge otwa kala twa tila eshi hatu patanekelwa eitavelo letu. Ongahelipi to dulu okuliamena komunhu oo te ku shindi?
Ovapiya vaJehova vahapu ova li ve lineekela muJehova, eshi va li tava shindwa. (Eps 18:17) Pashihopaenenwa, Ester okwa li a nyaneka pomutenya eemhangela domunandubo nomutondadi Haman. (Est 7:1-6) Ofimbo Ester ina ninga ngaho, okwa li a ulika kutya okwe lineekela muJehova, eshi a li e lidilika. (Est 4:14-16) Jehova okwa nangeka noupuna eenghatu daye nokwa li e mu amena noshiwana shaYe.
Ovanyasha, ngeenge ope na umwe oo te mu shindi, puleni ekwafo kuJehova, ndele tamu popi novakulunhu, ngaashi ovadali veni, kombinga youpyakadi oo. Oushili oyoo kutya Jehova ote ke ku kwafela ngaashi ashike a li a kwafela Ester. Oshike vali to dulu okuninga po, ngeenge to shindwa?
TALENI OKAVIDIO EFIMBO LOUNYASHA WANGE — ONDI NA OKUUNGAUNGA NGAHELIPI NAAVO TAVA SHINDI NGE? NDELE TAMU NYAMUKULA OMAPULO TAA SHIKULA
-
Oshihopaenenwa shilipi ovanyasha tava dulu okulihonga kuCharlie nosho yo Ferin?
-
Oshike ovadali tave lihongo komatyekosha aCharlie nosho yo Ferin shi na sha nokukwafela ounona vavo, ngeenge tava shindwa?
