Imwe yomeenghedi da denga mbada omo ovadali tava dulu okukwafela ovana vavo va mone ounongo wopakalunga, oku va kwafela va mone ouwa pokwoongala kwopaKriste. Osho ovanyasha hava mono, hava udu nosho yo osho hava popi momatyekosha avo pokwoongala, otaku dulu oku va kwafela ve lihonge kombinga yaJehova nokuninga kaume kaYe. (Deut 31:​12, 13) Ngeenge ou li omudali, ongahelipi to dulu okukwafela okaana koye, opo ke lihonge shihapu pokwoongala?

• Ninga eenghendabala, opo u kale ho kala pokwoongala komudidi.—Eps 22:22

• Shilipaleka kutya oho kongo efimbo lokuhafela eenghundafana novamwatate novamwameme konima yokwoongala nofimbo inaku hovela.—Heb 10:25

• Shilipaleka kutya oshilyo keshe shoukwaneumbo oshi na oishangomwa oyo tai ka longifwa pokwoongala, kutya nee opaelektronika, ile okomudidi

• Kwafela okaana koye ka longekide etyekosha lako noitya yako vene. —Mat 21:​15, 16

• Kala ho popile mouwa okwoongala nosho yo osho hatu longwa po

• Kwafela ovana voye va kale hava kufa ombinga moinima ngaashi okuwapaleka Olupale lOuhamba nosho yo okupopya novanamido ovo ve li meongalo leni

Ohashi pula oilonga ihapu okukwafela ounona va ehene popepi naJehova nomafimbo amwe otashi dulika shi ku wilile po. Ashike kala wa shilipalekwa kutya Jehova ote ke ku kwafela.—Jes 40:29.

TALENI OKAVIDIO OVADALI, LINEEKELENI MUJEHOVA NOSHO YO MEENGHONO DAYE, NDELE TAMU NYAMUKULA OMAPULO TAA SHIKULA:

• Oshike sha li hashi lolokifa Zack naLeah?

  Enyamukulo loye

• Omolwashike ovadali va pumbwa okupula Jehova eenghono?

  Enyamukulo loye

• Omeenghedi dilipi Zack naLeah va li ve lineekela muJehova, opo e va kwafele?

  Enyamukulo loye