OVAKRISTE omamiliyona ova hoolola vaha dane Okrismesa. Mbela ove ou uditile ngahelipi etokolo olo va ninga? Mbela ove udite va fa tava pitililwa po kusha? Mbela ounona vavo ove udite va fa va lumbulwa sha? Tala kwaasho Eendombwedi daJehova mounyuni aushe tadi ti shi na sha naasho.

Ngeenge nda i ko, shapo opOkrismesa, ile pOpaasa. Ashike nande ongaho, kanda li handi diladila naanaa kombinga yaJesus Kristus. Paife ihandi dana vali Okrismesa, ashike ohandi i kokwoongala kwopaKriste luvali moshivike nohandi hongo nokuli ovanhu osho Ombiibeli tai ti shi na sha naJesus!” — EVE, woko-AUSTRALIA.

Ondi shi hole! Ondi hole yo okuningila ovanhu oukalata, ile oku va paindila omafano onhumba molwaashi ohashi va hafifa, naame ohashi hafifa nge.” — REUBEN, woko-NORTHERN IRELAND.

Omafimbo amwe ohatu va twaalele eengala, oshikuki, ile omaano manini, opo va kale ve udite nawa. Osho otu shi hole molwaashi ohatu dulu okutalela po ovanhu va tya ngaho pomafimbo keshe momudo.” — EMILY, woku-AUSTRALIA.

Molwaashi inatu mangwa komafimbo oivilo, ihatu kala tu udite twa fininikwa, novapambele vetu ove shii kutya ohatu va talele po molwaashi otu va hole.” — WENDY, wokoCAYMAN ISLANDS.

Onde lihonga osho Ombiibeli ya udanekela ovanhu, nopaife onda pepelelwa. Ondi udite ko kutya ovana vange otava ka hafela onakwiiwa iwa.” — SANDRA, woko-SPAIN.