Mbela ope na omafimbo amwe oo ho lihaluka to diladila kombinga yomafimbo mawa oo wa li ho hafele pamwe noshiwana shaJehova ngaashi okwoongala taku tungu, oyoongalele itunhula, okuhafela oimoniwa moukalele ile eenghundafana novaitaveli vakweni? Ngeenge osho, otashi ulike kutya ino dimbwa Jehova; naye ine ku dimbwa. Jehova oha dimbuluka oilonga yoye youdiinini nokwa halelela oku ku kwafela u alukile kuye.

Jehova okwa ti: “Ame ohandi ka konga eedi dange noku di kalela noshisho. Ngaashi omufita ta kalele oufita waye weedi noshisho mefiku olo ye e li mokati keedi daye da halakanifwa.” — Hesekiel 34:11, 12.