Satana oha hongaula ovanhu va ninge oinima ii. Omunhu oo a hala okukala kaume kaKalunga oku na okukala e tonde osho Jehova e tonde. (Epsalme 97:10) Apa otapa shikula oinima imwe oyo ookaume kaKalunga ve na okuhenuka:

Oulunde wopamilele. “Ino teya ohombo.” (Exodus 20:14) Okuya momilele komesho yohombo nasho osha puka. — 1 Ovakorinto 6:18.

Oukolwe. ‘Eengholwe itadi ka fyuulula ouhamba waKalunga.’ — 1 Ovakorinto 6:10.

Edipao, ekufemo ledimo. “Ino dipaa.” — Exodus 20:13.

Oumbudi. “Ino vaka.” — Exodus 20:15.

Oipupulu. Jehova oku tonde “elaka li noipupulu.” — Omayeletumbulo 6:17.

 Elongifo leenghono nosho yo ehandu ihali pangelwa. “Ou e hole elongifo leenghono [Jehova] ote mu tondo.” (Epsalme 11:5, NW) ‘Oilonga yombelela [oya kwatela mo] ehandu lidjuu.’ — Ovagalati 5:19, 20, yelekanifa NW.

Okundobola. “Omunalwisho . . . mu ha endafane naye.” — 1 Ovakorinto 5:11.

Omautondwe opamihoko. “Holeni ovatondi veni, ilikaneneni ovahepeki veni.” — Mateus 5:43, 44.

Oinima oyo Kalunga te tu lombwele otai tu etele ouwa. Okuhenuka okuninga osho shii ihaku kala alushe oshinima shipu. Pakwafo laJehova nosho yo pakwafo lEendombwedi daye, oto dulu okuhenuka okuninga oinima tai nyemateke Kalunga. — Jesaja 48:17; Ovafilippi 4:13, OB-1954; Ovaheberi 10:24, 25.