Ngeenge ou na kaume oo wa yelayela nowe mu fimaneka, oho kendabala u kale ngaashi ye. “Omwene omuwa nomuyuki,” Ombibeli osho tai ti. (Epsalme 25:8) Opo tu kale ookaume kaKalunga, otu na okukala tu li ovanhu ve li nawa novayuki. Ombibeli otai ti: “Ningeni hano ovahopaeleli vaKalunga ngaashi ovana ovaholike, nye mu kale nokweenda mohole.” (Ovaefeso 5:1, 2) Apa otapa shikula eenghedi dimwe dokuninga ngaho:

Kwafela vakweni. “Tu ningileni aveshe ouwa.” — Ovagalati 6:10.

Longa noudiinini. “Omulunga a ha vake vali, ndelenee na longe nokulongifa omake aye ouwa.” — Ovaefeso 4:28.

Kala wa koshoka kolutu nopaenghedi. “Tu likosheni kedilo keshe naali lombelela naali lomhepo, fye tu wanife eyapulo mokutila Kalunga.” — 2 Ovakorinto 7:1.

 Kala novaneumbo loye nohole osho yo nefimaneko. “Keshe womunye na kale yo e hole omukainhu waye mwene ngaashi e lihole ye mwene, ndele omukainhu na fimaneke omulumenhu waye. Ounona nye, dulikeni kovakulunhu veni.” — Ovaefeso 5:33–6:1.

Kala u hole vamwe. “Tu holafaneni, osheshi ohole oyo ya dja muKalunga.” — 1 Johannes 4:7.

Dulika keemhango doshilongo. “Omunhu keshe na dulike kovapangeli . . . Yandjeni kuaveshe eshi mu nokuyandja: efendelo kuou e nokupewa efendelo.” — Ovaroma 13:1, 7.