Omutondi munene waKalunga oSatana Ondiaboli. Ye oshishitwa shopamhepo osho sha tukululila Jehova oshibofa. Satana ota twikile okulwifa Kalunga nota etele ovanhu omaupyakadi manene. Satana oye omunawii. Ye omunaipupulu nomudipai. — Johannes 8:44.

Oishitwa ikwao yopamhepo oye limbwanga mumwe naSatana mokutukululila Kalunga oshibofa. Ombibeli otai ifana oishitwa ei eendemoni. Ngaashi Satana, eendemoni odo ovatondi vovanhu. Odi hole okuyahameka ovanhu. (Mateus 9:32, 33; 12:22) Jehova ota ka hanauna po Satana neendemoni daye fiyo alushe. Odi na ashike okafimbo kanini ka xupa ko omo tadi dulu okweetela ovanhu omaupyakadi. — Ehololo 12:12.

Ngeenge owa hala okukala kaume kaKalunga, ino longa osho sha pandika kuSatana. Satana nosho yo eendemoni daye odi yele Jehova. Ava ovo ovatondi vaKalunga, nova hala yo ve ku ninge omutondi waKalunga. Ou na okuhoolola kutya olyelye wa hala okuhafifa — oSatana ile oJehova. Ngeenge owa hala omwenyo waalushe, hoolola okulonga ehalo laKalunga. Satana oku na omakoto mahapu nosho yo eenghedi dihapu mokupukifa ovanhu. Ovanhu vahapu otava pukifwa kuye. — Ehololo 12:9.