OSHILESHWA 14
Ongahelipi hatu dulu okulongela Kalunga monghedi oyo tai mu hafifa?
Ngaashi twa kundafana moshileshwa sha tetekela, hamalongelokalunga aeshe taa hafifa Kalunga. Ndele nande ongaho, ohatu dulu okulongela omushiti wetu monghedi oyo tai mu hafifa. “Elongelokalunga” lilipi tali mu hafifa? (Jakob 1:27) Tala osho Ombiibeli tai hongo.
1. Elongelokalunga letu oli na okukala la kanghamena kushike?
Elongelokalunga letu oli na okukala la kanghamena kOmbiibeli. Jesus okwa lombwela Kalunga a ti: “Eendjovo doye odo oshili.” (Johannes 17:17) Omalongelokalunga amwe ihaa hongo oshili oyo tai hangwa mEendjovo daKalunga da nwefwa mo, Ombiibeli. Ponhele yaasho, ohaa hongo omahongo opanhu neenghulunghedi. Ashike Jehova ina hokwa ovanhu ovo have ‘lipwililikile owina oipango yaye.’ (Lesha Markus 7:9.) Mepingafano naasho, ohatu ka hafifa Kalunga, ngeenge otwe mu longele metwokumwe naasho shi li mOmbiibeli nokushikula omayele ayo.
2. Otu na okulongela ngahelipi Jehova?
Otu na okulongela Jehova oye aeke, molwaashi oye Omushiti wetu. (Ehololo 4:11) Osho osha hala okutya otu na okukala tu mu hole noku mu longela oye aeke nopehe na okulongifa oihongwafano.— Lesha Jesaja 42:8.
Elongelokalunga letu oli na okukala ‘liyapuki nola hokiwa’ kuJehova. (Ovaroma 12:1) Osho osha hala okutya otwa pumbwa okudulika keemhango daye. Pashihopaenenwa, ovo ve hole Jehova ove hole omifikamhango daye di na sha nohombo nohava dulika kudo. Ohava henuka okulonga oilonga ya nyika oshiponga, ngaashi okushila omakaya, okulongifa oingangamifi, ile okunwa sha pitilila. a
3. Omolwashike tu na okulongela Jehova pamwe novaitaveli vakwetu?
Okwoongala oko haku ningwa oshivike keshe ohaku tu pe omhito ‘tu tange Omwene meongalo.’ (Epsalme 111:1, 2) Onghedi imwe omo hatu shi ningi omokutanga Kalunga nomaimbilo. (Lesha Epsalme 104:33.) Jehova ote tu pula tu kale hatu kala pokwoongala molwaashi oku tu hole, noku shii kutya otaku tu kwafele tu hafele onghalamwenyo fiyo alushe. Pokwoongala ohatu twaafana omukumo.
KONAKONA MOULE
Konakona kutya omolwashike Jehova ina hala tu longife oihongwafano, eshi hatu mu longele. Lihonga eenghedi da fimana omo hatu dulu okutanga Kalunga.
4. Katu na okulongifa oihongwafano, eshi hatu longele Kalunga
Otu shi shii ngahelipi kutya ngeenge otwa longifa oihongwafano ohatu ka nyemateka Kalunga? Dana OKAVIDIO, ndele tamu kundafana epulo tali shikula.
-
Oshike sha li sha ningwa po eshi ovapiya vaKalunga vamwe vonale va li va hetekela oku mu longela tava longifa oihongwafano?
Ovanhu vamwe ohava kendabala okweehena popepi naKalunga tava longifa oihongwafano eshi tave mu longele. Ndele mbela okuninga ngaho itaku va ehenifa kokule naye? Lesha Exodus 20:4-6 nosho yo Epsalme 106:35, 36, ndele tamu kundafana omapulo taa shikula:
-
Oihongwafano, ile omafano elipi wa mona ovanhu tava longifa eshi tava longele Kalunga?
-
Jehova oku udite ngahelipi shi na sha nokulongifwa kwoihongwafano?
-
Ou udite ngahelipi shi na sha nokulongifa oihongwafano?
5. Okulongela Jehova oye aeke otaku tu mangulula komahongo oipupulu
Tala nghee okulongela Jehova monghedi oyo ta hokwa taku tu mangulula ko komahongo oipupulu. Dana OKAVIDIO.
Lesha Epsalme 91:14, ndele tamu kundafana epulo tali shikula:
-
Jehova okwa udaneka kutya ote ke tu ningila shike, ngeenge otwa ulike kutya otu mu hole moku mu longela oye aeke?
6. Ohatu longele Kalunga pokwoongala
Ohatu tange Jehova nokutungafana okupitila momaimbilo nomomatyekosha oo hatu yandje pokwoongala. Lesha Epsalme 22:22, ndele tamu kundafana omapulo taa shikula:
-
Oho hafele ngoo okupwilikina komatyekosha pokwoongala?
-
Mbela owa hala okulilongekida u ka yandje etyekosha?
7. Jehova oha kala a hafa ngeenge hatu lombwele vamwe kombinga yaasho twe lihonga
Ope na eenghedi dihapu omo hatu dulu okulombwela vamwe kombinga yOmbiibeli. Lesha Epsalme 9:1; 34:1, ndele tamu kundafana epulo tali shikula:
-
Oshike we lihonga mOmbiibeli osho wa hala okulombwela vamwe kombinga yasho?
VAMWE OHAVA TI: “Ito dulu okuhafifa Kalunga.”
-
Ove oto ti ngahelipi?
ENGONGO
Ohatu hafifa Omushiti wetu, ngeenge ohatu mu longele oye aeke, hatu mu tange pokwoongala nokulombwela vamwe kombinga yaasho twe lihonga.
Eendululo
-
Openi hatu dulu okulihonga nghee hatu dulu okulongela Kalunga monghedi oyo ta hokwa?
-
Omolwashike tu na okulongela Jehova oye aeke?
-
Omolwashike tu na okulongela Kalunga pamwe naavo va hala oku mu hafifa?
TALA OUYELELE WA WEDWA PO
Mehokololo “Ihandi longele vali oikalunga,” lesha u mone nghee omukainhu umwe a efa po okulongela oikalunga.
“Ombibeli ohai lundulula onghalamwenyo yovanhu” (Oshungonangelo, 1 Juli 2011)
Lihonga kutya oshike tashi dulu oku ku kwafela u kale ho yandje omatyekosha pokwoongala.
“Hambeleleni Jehova meongalo” (Oshungonangelo, Januali 2019)
Tala nghee omulumenhu umwe omunyasha a mona ouwa pokwoongala, nonande kasha li hashi kala shipu kuye okukala po.
Ovanhu vahapu ova itavela kutya omushiyakano ou lile po Oukriste. Ndele mbela otu na ngoo oku u longifa mokulongela Kalunga?
a Oinima oyo otai ka kundafanwa moileshwa tai shikula ko.
Otashi dulika yo u hafele oikundafanwa ei
OMAPULO OO HAA PULWA LUHAPU
Ekonakonombiibeli olo hali ningwa kEendombwedi daJehova oshike?
Peenghundafana doshali odo hadi ningwa kEendombwedi daJehova, oto dulu okulongifa etoloko lOmbiibeli keshe. Owa manguluka okushiva oukwaneumbo weni aushe, ile keshe umwe oo wa hala a kale po.
