OSHILESHWA 37
Ombiibeli oya popya shike shi na sha noilonga nosho yo oimaliwa?
Mbela oho kala to lipula unene shi na sha noilonga, ile oimaliwa? Otashi dulu okukala eshongo okukala hatu longele Jehova nokukala hatu longo oilonga yokulikongela omboloto, opo tu lifile oshisho. Ashike Ombiibeli otai tu pe omayele oo taa dulu oku tu kwafela.
1. Ombiibeli oya popya shike shi na sha noilonga?
Kalunga okwa hala tu hafele oilonga yetu. Ombiibeli oya ti kutya ‘omunhu ke na nande ouwa umwe, kakele kokushambukifa omwenyo waye nouwa mokulonga kwaye kudjuu.’ (Omuudifi 2:24) Jehova oha longo noudiinini. Ngeenge otwe mu hopaenene mokukala hatu longo noudiinini, ohatu ke mu hafifa, nafye vene ohatu ka kala yo twa hafa.
Oilonga oya fimana. Ashike katu na oku i tala ko ya fimana unene i dulife okulongela kwetu Jehova. (Johannes 6:27) Jehova okwa udaneka kutya, ngeenge otwa pitifa komesho oku mu longela, ota ka fila oshisho eemhumbwe detu dopalutu.
2. Etaleko li na sha noimaliwa li li pandjele olilipi?
Nonande Ombiibeli oya ti kutya oimaliwa oi li “epopilo,” ile tu tye eameno, oya londwela yo kutya okukala tu na oimaliwa hako taku tu ningifa tu kale twa hafa. (Omuudifi 7:12) Onghee hano, otwa ladipikwa tuha kale tu hole oimaliwa, ndele otu kale ‘twa wanenwa kwaasho tu na.’ (Lesha Ovaheberi 13:5.) Ngeenge otwa kala twa wanenwa kwaasho tu na, itatu ka kala twa nyemata molwaashi hatu diladila kutya otwa pumbwa okukala tu na oimaliwa ihapu. Ohatu ka henuka okulya eendjo inashi pumbiwa. (Omayeletumbulo 22:7) Ohatu ka henuka yo omwiyo wokundobola nosho yo eenghedi dimwe vali da nyika oshiponga dokulimonena oimaliwa noupu.
3. Ongahelipi hatu dulu okulongifa oimaliwa yetu nopehe na okulihola mwene?
Jehova oKalunga oo ha yandje, nohatu dulu oku mu hopaenena ‘mokukala hatu yandje, nohatu tukulilafana navakwetu.’ (1 Timoteus 6:18) Ohatu dulu okulongifa oimaliwa yetu nopehe na okuliholamwene mokuyandja omayambidido meongalo nosho yo mokukwafela ovo ve na omhumbwe, unene tuu Ovakriste vakwetu. Jehova iha yandje elitulemo kouhapu waasho hatu yandje, ndele okomalinyengotomheno etu. Ngeenge otwa kala hatu yandje tashi di komutima, ohatu ka kala twa hafa nohatu ka hafifa yo Jehova.— Lesha Oilonga 20:35.
KONAKONA MOULE
Tala ouwa oo hau di mokukala tu na etaleko liwa li na sha noilonga nosho yo mokukala twa wanenwa.
4. Kala ho longo monghedi oyo tai fimanekifa Jehova
Oukaume wetu naJehova otau ka nwefa mo etaleko letu li na sha noilonga. Dana OKAVIDIO, ndele tamu kundafana omapulo taa shikula.
-
Ngaashi sha ulikwa mokavidio, oshike she ku kumwifa shi na sha noikala nosho yo elihumbato laJason, ngeenge e li koilonga?
-
Okwa ninga po shike, opo a kale e na etaleko liwa li na sha noilonga?
Lesha Ovakolossi 3:23, 24, ndele tamu kundafana epulo tali shikula:
-
Omolwashike etaleko letu li na sha noilonga la fimana?
Oilonga oya fimana. Ashike katu na oku i tala ko ya fimana unene i dulife okulongela kwetu Jehova
5. Okukala twa wanenwa ohaku tu etele ouwa
Ovanhu vahapu ohava kendabala okuliongelela oimaliwa ihapu. Ndele Ombiibeli otai tu ladipike tuha kale tu na etaleko la fa lovanhu mounyuni. Lesha 1 Timoteus 6:6-8, ndele tamu kundafana epulo tali shikula:
-
Ombiibeli otai tu ladipike tu ninge shike?
Ohatu dulu okukala twa hafa nonande otu na shinini. Dana OKAVIDIO, ndele tamu kundafana epulo tali shikula.
-
Oshike sha kwafela omaukwaneumbo oo a kale a hafa, nonande oku na oimaliwa inini?
Ongahelipi ngeenge otu na shihapu, ndele natango otwa hala shihapu? Jesus okwa li a lombwela ovahongwa vaye efaneko olo tali ulike nghee osho sha nyika oshiponga. Lesha Lukas 12:15-21, ndele tamu kundafana epulo tali shikula:
-
Oshike we lihonga mefaneko laJesus?— Tala ovelishe 15.
Lesha nokuyelekanifa Omayeletumbulo 10:22 nosho yo 1 Timoteus 6:10, ndele tamu kundafana omapulo taa shikula:
-
Shilipipo to diladila kutya osho sha fimanenena, mbela okukala noukaume naJehova, ile okukala noimaliwa ihapu? Omolwashike to tile ngaho?
-
Omaupyakadi elipi haa etifwa kokukala wa hala oimaliwa ihapu?
6. Jehova ota ka fila oshisho eemhumbwe detu
Omaupyakadi e na sha noilonga nosho yo oimaliwa otaa dulu okuyeleka eitavelo letu muJehova. Dana OKAVIDIO, u mone nghee to dulu okuungaunga nomaupyakadi oo, ndele tamu kundafana omapulo taa shikula.
-
Ngaashi sha ulikwa mokavidio, omashongo elipi omumwatate a li a taalela?
-
Oshike a ninga po, opo a dule okuungaunga nomashongo oo nomupondo?
Lesha Mateus 6:25-34, ndele tamu kundafana epulo tali shikula:
-
Jehova okwa udaneka okuningila shike ovo va pitifa komesho oku mu longela?
VAMWE OHAVA TI: “Ondi na okulonga noudiinini, opo ndi yambidide oukwaneumbo wange. Itandi dulu okukala handi i kokwoongala oshivike keshe.”
-
Omushangwa ulipi we ku tomha kutya okukala wa pitifa komesho okulongela Jehova olo etokolo la denga mbada?
ENGONGO
Oilonga yokulikongela omboloto nosho yo oimaliwa oya pumbiwa, ashike kai na oku tu imba okulongela Jehova.
Eendululo
-
Oshike tashi dulu oku ku kwafela u kale u na etaleko li li pandjele li na sha noilonga?
-
Ongahelipi okukala wa wanenwa taku dulu oku ku etela ouwa?
-
Ongahelipi to dulu okuulika kutya owe lineekela meudaneko laJehova li na sha nokufila oshisho ovapiya vaye?
TALA OUYELELE WA WEDWA PO
Konakona u tale ngeenge Ombiibeli oya ti kutya osha puka okukala noimaliwa, ile hasho.
“Mbela oimaliwa oi li efina lowii aushe?” (Oshitukulwa shi li ko jw.org)
Lihonga kutya okuyandja kulipi haku hafifa Kalunga.
“Ombiibeli otai ti ngahelipi kombinga yokuyandja?” (Oshitukulwa shi li ko jw.org)
Mbela osha nyika oshiponga okundobola, ile hasho?
“Osho Ombiibeli tai ti—Okundobola” (Kala oupafi!, Marsa 2015)
Tala kutya oshike she linyengifa omulumenhu umwe a efe po okundobola nosho yo okuvaka.
“Onda li ndi hole unene omafiyafano eenghambe” (Oshungonangelo, 1 Novemba 2011)
Otashi dulika yo u hafele oikundafanwa ei
OMAPULO OO HAA PULWA LUHAPU
Ekonakonombiibeli olo hali ningwa kEendombwedi daJehova oshike?
Peenghundafana doshali odo hadi ningwa kEendombwedi daJehova, oto dulu okulongifa etoloko lOmbiibeli keshe. Owa manguluka okushiva oukwaneumbo weni aushe, ile keshe umwe oo wa hala a kale po.
