Lilongekida noukeka pamwe neilikano. Ilikana opo u yandje elitulemo ketumwalaka, ponhele yokuyandja elitulemo kwoove mwene. Yandja elitulemo koitwa ya fimana oyo wa pumbwa okupopya kombinga yayo. Yelifa oitwa noitya yoye mwene; ndele ino pumbwa okukala wa mangwa kwaasho sha shangwa.

Popya tashi di komutima. Diladila kutya omolwashike ovapwilikini voye va pumbwa okuuda etumwalaka. Yandja elitulemo kuvo. Oto ka ulika kutya ou na ohamu nosho yo oukaume okupitila monghedi omo wa fikama, omaudi oo to ningi nosho yo omalinyengo oye okoshipala.

Tala kovapwilikini voye. Tala ovapwilikini voye momesho nonande otashi dulika shi kale shidjuu. Ngeenge to yandje oshipopiwa, kala to tale komunhu umwe poshikando, ponhele yoku va tala aveshe poshikando shimwe.