OSHITUKULWA 4
Okudja pohamba yotete yaIsrael fiyo opokutwalwa kwOvaIsrael moukwatwa waBabilon
Saul oye a li ohamba yotete yaIsrael. Konima yefimbo, Jehova ka li vali e mu hokwa. Jehova okwa li a hoolola David a pingene po Saul. Ohatu ke lihonga shihapu kombinga yaDavid momatukulwa e li komesho. Fimbo David a li omunyasha, okwa li a lwifa omutongolume wedina Goljat. Lwanima, okwa ka ya onhapo ohamba inandubo Saul. Pomhito imwe, David okwa li a kelelwa kuAbigail aha longe owii.
Natango ohatu ke lihonga shihapu kombinga yaSalomo, omonamati waDavid. Salomo oye a li a pingena po xe, e li ohamba yaIsrael. Eehamba nhatu dotete daIsrael adishe oda pangela keshe imwe oule womido 40. Konima yefyo laSalomo, ouhamba waIsrael owa li wa tukulwa momauhamba avali, ouhamba wokolundume nouhamba wokolukadi.
Ouhamba wokolundume womapata 10 aIsrael owa pangela oule womido 257, nowa ka hanaunwa po kOvaassiria. Konima yomido 133 eshi ouhamba wokolundume wa hanaunwa po, ouhamba wokolukadi womapata avali nao owa ka hanaunwa po. Pefimbo olo, Ovaisrael ova li va twalwa moukwatwa kuBabilon. Onghee hano, oshitukulwa eshi oshitine otashi hokolola ondjokonona yoiningwanima ihapu itunhula oyo ya li ya ningwa momukokomoko womido 510.
MOSHITUKULWA ESHI
EHOKOLOLO 56
Saul ta vaekwa a ninge ohamba yotete yaIsrael
Okwa li a hoololwa kuKalunga, ndele lwanima okwe ke mu ekelashi, ohatu lihongo mo oshilihongomwa sha fimanenena moshihopaenenwa shaSaul.
EHOKOLOLO 57
Kalunga ta hoolola David
Kalunga okwa li a mona shike muDavid osho omuprofeti Samuel a li ina mona?
EHOKOLOLO 58
David naGoljat
David ka li ashike a lwifa Goljat nokaumbifo oko a keke, ndele okwa li a kwafelwa kuumwe oo e na eenghono da shiya ko.
EHOKOLOLO 59
David ta i onhapo
Saul okwa li a hafela David potete, ashike lwanima okwa ka kwatwa komhepo yondubo nokukala a hala okudipaa David. Omolwashike mbela?
EHOKOLOLO 60
Abigail naDavid
Abigail okwa li a popya kutya omushamane waye elai, ashike okwa li a xupifa omwenyo waye pakafimbo.
EHOKOLOLO 61
David ta ningi ohamba
David okwa li a ulika kutya okwa wana okuninga ohamba yaIsrael okupitila mwaasho a li a ninga naasho a li a anya okuninga.
EHOKOLOLO 62
Oupyakadi tau holoka meumbo laDavid
Epuko limwe olo David a li a ninga ola li le mu etela oupyakadi noukwaneumbo waye oule womido dihapu
EHOKOLOLO 64
Salomo ta tungu otembeli
Nande Salomo okwa li omunongo a shiya ko, okwa li a hongaulwa a ninge oshinima sha nyika oulai nosha puka.
EHOKOLOLO 65
Ouhamba waIsrael tau tukulwa pokati
Okudja ashike eshi Jerobeam a hovela okupangela, okwa li a ningifa ovanhu vaha dulike keemhango daKalunga.
EHOKOLOLO 66
Ohambanghainhu ikolokoshi Isebel
Kape na osho sha li hashi imbi Isebel a mone osho a hala.
EHOKOLOLO 67
Josafat okwa li e lineekela Jehova
Omolwashike etangakwaita la li li na okuya kolwoodi li kwetelwe komesho kongudu yovaimbi inava homata?
EHOKOLOLO 68
Oumati vavali tava nyumunwa
Mbela otashi shiiva ngoo omunhu oo a fya a kale vali nomwenyo? Osho osha ningwa!
EHOKOLOLO 69
Okakadona kanini taka kwafele omunenenhu
Oka li ke na ouladi wokupopya, naasho osha li sha etifa pa longwe oshikumwifilonga.
EHOKOLOLO 70
Jona noshi inene
Jona te lihongo oshilihongomwa sha fimana kombinga yaasho Jehova a ti.
EHOKOLOLO 71
Kalunga ta udaneke Oparadisa ipe
Oparadisa yotete oya li inini; ashike ei otai ka mana ko edu alishe.
EHOKOLOLO 72
Kalunga ta kwafele ohamba Hiskia
Omweengeli umwe okwa dipaa ovakwaita Ovaasiria 185 000 moufiku umwe.
EHOKOLOLO 73
Ohamba iwa yaxuuninwa muIsrael
Fimbo Josia a li omunyasha, okwa li a longa oshilonga shouladi.
EHOKOLOLO 74
Omulumenhu oo a li iha tila
Jeremia okwa li a diladila kutya omunyasha neenghono nokuninga omuprofeti, ashike Kalunga okwa li e shii kutya ota dulu okulonga oshilonga sha tya ngaho.
EHOKOLOLO 75
Ovamati vane ve li moukwatwa muBabilon
Ovalumenhu ovo vane ovanyasha ova li va pondola nonande kava li pamwe nomaukwaneumbo avo.
EHOKOLOLO 76
Jerusalem tashi hanaunanwa po
Omolwashike Kalunga a efa Ovababilon, ovatondi vOvaisrael, va hanaune po Jerusalem?