Etwalemo loshitukulwa 11
Oshitukulwa eshi oshi li etwalemo lOmishangwa dopaKriste dOshigreka. Jesus okwa dalwa moukwaneumbo wa hepa oo wa li mokadoolopa kanini. Okwa li ha longo naxe, e li omuhongi woipilangi. Oye a li ta ka xupifa ovanhu. Jehova okwe mu hoolola a ninge Ohamba yOuhamba womeulu. Ngeenge ou li omudali, kwafela okaana koye ka ude ko nghee Jehova a hoolola noukeka oukwaneumbo nomudingonoko omo Jesus a li ta ka kulila. Kundafaneni nghee Jehova a li a amena Jesus aha dipawe kuHerodes nosho yo kutya kape na osho tashi dulu okuya moshipala elalakano laJehova. Lihonga nghee Jehova a li a nangeka po Johannes opo a longekidile Jesus ondjila. Divilika nghee Jesus a ulika kutya oku hole ounongo oo wa dja kuJehova, nokuli naashi a li omunyasha.
MOSHITUKULWA ESHI
Elisabet ta mono okaana
Omolwashike omushamane waElisabet a li a lombwelwa kutya ita ka popya fiyo okaana ka dalwa?
Gabriel ta talele po Maria
Okwa li e mu pa etumwalaka olo la lundulula onghalamwenyo yaye.
Ovaengeli tava shiivifa okudalwa kwaJesus
Ovafita ovo va li va uda eshiivifo lovafita ova li ve linyenga meendelelo.
Jehova okwa li a amena Jesus
Ohamba ikolokoshi oya li ya hala Jesus a fye.
Omunyasha Jesus
Okwa li a kumwifa ngahelipi ovahongi motembeli?
Johannes ta longekidile Jesus ondjila
Johannes eshi a kula okwa ka ninga omuprofeti. Okwa li a honga kutya Messias ote uya. Ovanhu ova li ve linyenga ngahelipi ketumwalaka laye?
