Ediminepo
Mbela Jehova okwa halelela oku tu dimina po?
Eps 86:5; Dan 9:9; Mika 7:18
Tala yo 2Pe 3:9
-
Oihopaenenwa tai tu kwafele:
-
Eps 78:40, 41; 106:36-46 — Jehova okwa kala ha dimine po oshiwana shaye lwoikando, nonande osha kala tashi mu udifa nai, eshi sha kala tashi nyono kuye
-
Luk 15:11-32 — Opo Jesus e tu kwafele tu ude ko nghee Jehova ha dimine po, okwa li a popya efaneko li na sha nanghee xe omunanghenda a li a ungaunga nomonamati waye, oo a li a nyona, ndele te livele ombedi
-
Opakanghameno lashike Jehova he tu dimine po?
-
Oihopaenenwa tai tu kwafele:
-
Heb 9:22-28 — Omuyapostoli Paulus okwa yelifa kutya ohatu diminwa po pakanghameno lohonde yaKristus
-
Eh 7:9, 10, 14, 15 — Omuyapostoli Johannes okwa li a mona memoniko “ongudu inene” i li ofika komesho yolukalwapangelo laKalunga i neliudo la koshoka, omolwohonde yaKristus ya tika
-
Ngeenge otwa hala Jehova e tu dimine po, oshike tu na okuninga po, ngeenge vamwe ve tu udifa nai?
Mat 6:14, 15; Mar 11:25; Luk 17:3, 4; Jak 2:13
-
Oihopaenenwa tai tu kwafele:
-
Job 42:7-10 — Ofimbo Jehova ina xulifa po okumona oixuna kwaJob noku mu alulila oukolele noupuna waye, okwa li a pula Job a ilikanene ookaume kaye vatatu, ovo va li ve mu popila mowii
-
Mat 18:21-35 — Jesus okwa divilika mefaneko laye limwe nghee sha fimana okudimina po vamwe, ngeenge otwa hala yo okudiminwa po
-
Okuhepaulula omanyono etu nokulivela ombedi shili osha fimana shi fike peni?
-
Oihopaenenwa tai tu kwafele:
-
Eps 32:1-5; 51:1, 2, 16, 17 — Ohamba David oya li ya uda nai noya wililwa po, eshi ya nyona sha kwata moiti, noya li ye livela ombedi shili
-
Jak 5:14-16 — Jakob okwa ti kutya ngeenge twa nyona sha kwata moiti, otu na okuya kovakulunhuongalo
-
Otu na okuninga omalunduluko elipi, ngeenge otwa hala Jehova e tu dimine po?
Omayel 28:13; Jes 55:7; Ef 4:28
-
Oihopaenenwa tai tu kwafele:
-
1Eeh 21:27-29; 2Omaf 18:18-22, 33, 34; 19:1, 2 — Eshi ohamba Ahab ya li ya tokolwa, oya li ye lininipika, na Jehova okwa li e i fila onghenda, ashike kaya li ye livela ombedi shili, onghee Jehova okwa li e i tala ko ikolokoshi, nokwa e fa i dipawe
-
2Omaf 33:1-16 — Nonande ohamba Manasse oya li ikolokoshi neenghono, Jehova okwa li e i dimina po, eshi ye livela ombedi. Manasse okwa li a ulika kutya okwa ninga omalunduluko shili, eshi a li a hanauna po oihongwafano nokuxumifa komesho elongelokalunga la koshoka
-
Jehova oha dimine po ovanyoni shi fike peni, ovo ve li vela ombedi?
Eps 103:10-14; Jes 1:18; 38:17; Jer 31:34; Mika 7:19
-
Oihopaenenwa tai tu kwafele:
-
2Sam 12:13; 24:1; 1Eeh 9:4, 5 — Nonande David okwa li a nyona sha kwata moiti lwoikando, Jehova okwa li e mu dimina po, eshi e livela ombedi, nokwa li e mu tala ko omudiinini
-
Ongahelipi Jesus a li a hopaenena filufilu oukwatya waJehova wokudimina po?
-
Oihopaenenwa tai tu kwafele:
-
Mat 26:36, 40, 41 — Ovahongwa vaJesus, ovo va li ookaume kaye kopofingo, ova li va kofa pomhito oyo a li a pumbwa ekwafo lavo neenghono, ndele nande ongaho, okwa li e va kenukila pahole, omolwounghundi wavo
-
Mat 26:69-75; Luk 24:33, 34; Oil 2:37-41 — Omuyapostoli Petrus okwa li e likala Jesus Kristus lwoikando itatu, ndele Jesus okwa li e mu dimina po, eshi e livela ombedi; konima eshi Jesus a nyumuka, okwa li e lihololela Petrus, nolwanima, okwa li a pa Petrus omaufembanghenda e likalekelwa meongalo
-
Otu shi shii ngahelipi kutya Jehova iha dimine po keshe umwe?
Mat 12:31; Heb 10:26, 27; 1Jo 5:16, 17
-
Oihopaenenwa tai tu kwafele:
-
Mat 23:29-33 — Jesus okwa li a londwela ovanongo vomishangwa nOvafarisai ve li ongudu kutya otava ka ya muGehenna, kokutya otava ka hanaunwa po fiyo alushe
-
Joh 17:12; Mar 14:21 — Jesus okwa ifana Judas Iskariot ‘omona wehanauno,’ nokwa ti kutya oshixwepo ngeno omukengeleledi oo ka dalelwe
-
Oshike hashi linyengifa Ovakriste va dimine po nehalo liwa?