Inda koshikalimo

Inda koshikalimo

Tula mo onomola yomeholeko (opens new window)
Konga o-JW.ORG

Ohombo

Ohombo

Olyelye omutoti wohombo?

Gen 1:​27, 28; 2:​22-24; Mat 19:​4-6

Omukriste oku na okuhombola, ile okuhombolwa kulyelye?

Omolwashike Omukriste washili ehe na okupitika omonamati, ile omonakadona a hombolafane nomunhu, oo ehe fi omupiya waJehova, e mu liyapulila nokwa ninginifwa?

1Ko 7:39; 2Ko 6:​14, 15

  • Oihopaenenwa tai tu kwafele:

    • Gen 24:​1-4, 7 — Omunamido Abraham okwa li a tokola omonamati, Isak, a ka kongelwe omukulukadi mokati kaavo hava longele Jehova, ndele hamokati kOvakaanan, ovo va li hava longele oikalunga

    • Gen 28:​1-4 — Isak okwa li a lombwela omonamati, Jakob, a konge omukulukadi movaitaveli vakwao, ndele hamovana vOvakaanan

Jehova oha tale ko ngahelipi Ondombwedi, oyo tai hombola nomunhu, oo ehe fi Ondombwedi?

Deut 7:​3, 4

  • Oihopaenenwa tai tu kwafele:

    • 1Eeh 11:​1-6, 9-11 — Jehova okwa li a handukila ohamba Salomo, eshi ye lipwililikila elondwelo li na sha nokuhahombola ovakainhu ovanailongo, nokwa efa va hongaule omutima waye

    • Neh 13:​23-27 — Ngaashi Jehova, Nehemia okwa li a handukila Ovaisrael, ovo va li va hombola ovakainhu ovanailongo, nokwa li e va hanyena noku va katukila onghatu

Omolwashike shi li pandunge okukonga, ile okwiitavela omunhu, oo ha longele Jehova noudiinini noku na edina liwa meongalo?

Omayel 18:22; 31:​10, 28

Tala yo Ef 5:​28-31, 33

  • Oihopaenenwa tai tu kwafele:

    • 1Sam 25:​2, 3, 14-17 — Nonande Nabal okwa li oshipuna, okwa li omuhau noku na onyanya, nomolwaasho ka li ta wapalele Abigail

    • Omayel 21:9 — Okuhombola, ile okuhombolwa komunhu ite tu wapalele otashi ka nyona po ehafo nombili yetu

    • Rom 7:2 — Omuyapostoli Paulus okwa ti kutya omukainhu a hombolwa oku li koshi yeenghonopangelo domushamane waye ina wanenena, onghee omukainhu omunaendunge oku na okutala nawa

Okulilongekidila ohombo

Omolwashike omulumenhu e na okulilongekida okufila oshisho oukwaneumbo, ofimbo ina hombola?

1Tm 5:8

  • Oihopaenenwa tai tu kwafele:

    • Omayel 24:27 — Ofimbo omulumenhu ina hombola nokudala ounona, oku na okulonga noudiinini, opo a dule oku ka fila oshisho oukwaneumbo waye

Omolwashike ovanhu vavali, ovo tava endelafana, ve na okupula omayele nokukendabala okushiivafana nawa, ponhele yokufuulwa ashike keholokepo lokombada?

Omayel 13:10; 1Pe 3:​3-6

  • Oihopaenenwa tai tu kwafele:

    • Rut 2:​4-7, 10-12 — Boas okwe lihonga shihapu kombinga yaRut mokutala kunghee a li ha longo noudiinini, ha pwilikine kwaavo va li have mu popile mouwa, nghee a li ha ungaunga nainamweno nanghee a ulika kutya oku hole Jehova

    • Rut 2:​8, 9, 20 — Rut okwa li a konenena nghee Boas ha file vamwe onghenda, nghee ha yandje nanghee a ulika kutya oku hole Jehova

Omolwashike Jehova a teelela ovo tava endelafana va kale va koshoka paenghedi pefimbo lokweendelafana naashi va valekafana?

Gal 5:19; Kol 3:5; 1Te 4:4

  • Oihopaenenwa tai tu kwafele:

    • Omayel 5:​18, 19 — Eenghedi dimwe dokuulikilafana ohole oda pitikilwa ashike ovalihomboli

    • Eimblela 1:2; 2:6 — Eshi okakadona Okasulamit ka li ta ka endelafana nomumati wako, omufita, ova li hava lombwelafana eendjovo diwa dopahole, ashike kava li hava ningi oinima, oyo tai pendula omahalo opamilele

    • Eimblela 4:12; 8:​8-10 — Okakadona Okasulamit oka li ke na elipangelo noka koshoka paenghedi; oka li ka fa oshikunino sha idilwa

Omolwashike ovanhu ve na okuhombola paveta?

Mat 22:21; Rom 13:1; Tit 3:1

Oinakuwanifwa yomushamane

Omushamane oku na oinakuwanifwa ya kwata moiti ilipi?

Ef 5:​23, 25, 28-31, 33

Omushamane oku na okushikula oshihopaenenwa shalye, e li omutwe woukwaneumbo?

1Ko 11:3; Ef 5:23

Omolwashike sha fimana komushamane okukala e hole omukulukadi waye, e shii nawa eemhumbwe daye, noha yavelele omaliudo aye?

Kol 3:19; 1Pe 3:7

  • Oihopaenenwa tai tu kwafele:

    • Gen 21:​8-12 — Jehova okwa li a lombwela Abraham a pwilikine komukulukadi waye, Sara, nonande Abraham ka li a hokwa eetepo laye

    • Omayel 31:​10, 11, 16, 28 — Omulumenhu omunaendunge womukulukadi muwa, oo a popiwa meevelishe odo, ka li he mu vele eembedi noku mu pangela, ndele okwa li e lineekela omukulukadi waye nohe mu pandula

    • Ef 5:33 — Omuyapostoli Paulus okwa ulika kutya omukulukadi okwa pumbwa okukala e shii kutya oku holike komushamane waye

Oinakuwanifwa yomukulukadi

Jehova okwa pa omukulukadi Omukriste oinakuwanifwa ya fimana ilipi?

Gen 2:18; Kol 3:18; Tit 2:​4, 5

Mbela oinakuwanifwa yomukulukadi oidinifa?

Gen 1:​26-28, 31; 2:18

  • Oihopaenenwa tai tu kwafele:

    • Omayel 1:8; 1Ko 7:4 — Omukulukadi, ile omudalakadi oku na eenghonopangelo doshiyeleke mohombo, ile moukwaneumbo

    • 1Ko 11:3 — Omuyapostoli Paulus okwa ti kutya keshe umwe oku li koshi youkwamutwe wonhumba, kakele ashike kuKalunga Omunaenghono adishe

    • Heb 13:​7, 17 — Meongalo lopaKriste, ovalumenhu novakainhu ove na okukala hava dulika kwaavo tava kwatele komesho

Ongahelipi omukulukadi Omukriste, oo a hombolwa komushamane ehe fi Ondombwedi, ta dulu okuhafifa Jehova?

1Ko 7:​13-16; 1Pe 3:​1, 2

Omolwashike omukulukadi Omukriste e na okuulika kutya okwa fimaneka omushamane waye?

Ef 5:33

  • Oihopaenenwa tai tu kwafele:

    • Gen 18:12; 1Pe 3:​5, 6 — Sara okwa li a fimaneka omushamane waye neenghono, a li e mu tala ko e li “omwene,” ile omutwe waye, nokuli nomomutima waye

Ombiibeli otai popile mouwa omukulukadi a tya ngahelipi?

Omayel 19:14; 31:​10, 13-31

  • Oihopaenenwa tai tu kwafele:

    • Gen 24:​62-67 — Rebeka okwa li a kwafela omushamane waye, Isak, opo a kale e udite a hekelekwa konima yefyo laina

    • 1Sam 25:​14-24, 32-38 — Abigail okwa li a amena omushamane waye welai nosho yo oukwaneumbo wavo, eshi a li a pula David nelininipiko, e va file onghenda

    • Est 4:​6-17; 5:​1-8; 7:​1-6; 8:​3-6 — Omumbada Ester okwa li a tula omwenyo waye moshiponga lwoikando ivali, eshi a li a ya komushamane waye, ohamba, ina shivwa, opo a ka popile oshiwana shaKalunga

Okukandula po omaupyakadi

Omafinamhango elipi taa dulu okukwafela ovalihomboli va kandule po omaupyakadi mohombo yavo?

1Ko 13:​4-8; Ef 5:33; Kol 3:​12-14

Omafinamhango elipi taa dulu okukwafela ovalihomboli va kale ve na etaleko li li pandjele li na sha noimaliwa?

Luk 12:15; Flp 4:5; 1Tm 6:​9, 10; Heb 13:5

Tala yo oshitukulwa “Oimaliwa”

Omafinamhango elipi taa dulu okukwafela ovalihomboli va ungaunge nawa novapambele keembinga adishe?

Eps 34:14; Mat 19:​5, 6; 1Ko 13:​4, 5

Omafinamhango elipi taa dulu okuwilika ovalihomboli, ngeenge tashi uya pomilele?

Omayel 5:​15-20; Mat 5:​27, 28; 1Ko 7:​3-5; 10:24; Flp 2:4; Heb 13:4

Omolwashike sha fimana okuyandja elitulemo komaukwatya mawa akaume koye kopahombo, ponhele yomapuko aye?

Eps 103:14; 130:​3, 4; Omayel 17:9; 1Pe 4:8

Omolwashike shi li xwepo okupongolola po omaupyakadi nombili nomeendelelo, ponhele yokukwata onghone, ile okukala wa handuka?

Eps 37:8; Omayel 14:29; Ef 4:​26, 27; Jak 1:​19, 20

Omolwashike Ovakriste vehe na nande okukala nehandu la pitilila, okuhanyauka, okupopya omalaka mai, ile okulongifa eenghono?

Eps 11:5; Gal 5:​19-21; Ef 4:​31, 32; Tit 3:2

Oshike omushamane nomukulukadi ve na okulalakanena, ngeenge pokati kavo opa holoka okuhaudafana?

Eps 34:14; Mat 5:9; Rom 12:​17, 18, 21

Ovalihomboli, ovo tava longele Jehova pamwe, otava ka mona omanangeko noupuna elipi?

Omuud 4:​9-12

Omifikamhango di na sha nohombo

Ombiibeli otai ti ngahelipi kombinga yomilele nosho yo ohombo?

Omayel 6:32; Mat 5:​27, 28; 1Ko 6:​9, 10; Heb 13:4

Ovakriste ova tala ko ngahelipi okuhombola ombada?

Mat 19:​8, 9; 1Ko 7:2; 1Tm 3:​2, 12

Otu shi shii ngahelipi kutya ohombo oi na ashike okukala pokati komulumenhu nomukainhu?

Gen 2:​18, 22, 24; Mat 19:​4-6; Rom 1:​23-27

Omolwashike ovalihomboli ve na okukala pamwe?

Mar 10:​6-9; Rom 7:​2, 3; 1Ko 7:​10, 11

Ovakriste otava dulu ashike okuteya ohombo omolwetomheno lopamishangwa lilipi?

Mat 5:32; 19:9

Jehova oha kala e udite ngahelipi, ngeenge ovalihomboli va teya ohombo nopehe na etomheno lopamishangwa?

Mal 2:​13-16

Ngeenge kaume kopahombo umwe okwa fi, mbela oo a xupa po okwa manguluka ngoo okuya vali mohombo?

Rom 7:​2, 3; 1Ko 7:39

 

Otashi dulika yo u hafele oikundafanwa ei

KALA OUPAFI!

Elongelokumwe moukwaneumbo

Mbela kaume koye kopahombo okwa fa ashike omunhu oo hamu di naye meumbo?

OHOMBO NOUKWANEUMBO

Nghee to dulu okuulika ohole

Ongahelipi ovalihomboli tava dulu okuulika kutya ove na ko nasha shili nookaume kavo kopahombo? Konakona omaetepo ane a kanghamena komafinamhango opaMbiibeli.

OSHUNGONANGELO

Ovashamane — omaukwaneumbo eni naa kale a amenwa

Ovashamane, omaukwaneumbo eni otaa dulu okukala a amenwa pashimaliwa ndele inaa amenwa monghedi oyo ya fimanenena.

KOMBINGA YETU

Pula u talelwe po

Kundafaneni kombinga yepulo lopaMbiibeli, ile u lihonge shihapu kombinga yEendombwedi daJehova.

OMISHANGWA ODO TADI TU KWAFELE TU LONGELE JEHOVA

Ohombo

Oshikwanyama
Ohombo
https://assetsnffrgf-a.akamaihd.net/assets/ct/46e9307b0a/images/syn_placeholder_sqr.png
scl ep. 38-42
OMAHOOLOLO E NA SHA NOKUTAPA
Ohombo
Eenghedi omo to dulu okutapa oshishangomwa osho sha kwatwa ewi Omishangwa odo tadi tu kwafele tu longele Jehova