Ovadali
Omolwashike Jehova a tota po ohombo?
Ovadali ove na okutala ko ngahelipi ounona vavo?
Tala yo oshitukulwa “Ounona; ovanyasha”
-
Oihopaenenwa tai tu kwafele:
-
Gen 33:4, 5 — Jakob okwa li a tala ko ovana vaye ve li oshali ya dja kuJehova
-
Ex 1:15, 16, 22; 2:1-4; 6:20 — Amram naJohobed ova dala Moses, nova ninga ngaashi tava dulu, opo ve mu amene
-
Ongahelipi ovadali tava dulu okufila oshisho ovana vavo?
Deut 6:6, 7; 11:18, 19; Omayel 22:6; 2Ko 12:14; 1Tm 5:8
-
Oihopaenenwa tai tu kwafele:
-
1Sam 1:1-4 — Elkana okwa li ha shilipaleke kutya oukwaneumbo waye owa ya kuSilo, opo keshe umwe a ka longele Jehova
-
Luk 2:39, 41 — Josef naMaria ova li hava i novana vavo pandjikilile kuJerusalem va ka dane oshivilo shOpaasa
-
Omolwashike sha fimana okudeula ounona va dulike kuJehova?
Tala yo 2Tm 3:14, 15
-
Oihopaenenwa tai tu kwafele:
-
1Sam 2:18-21, 26; 3:19 — Ovadali vaSamuel ova li ve mu yandja a ka longele Jehova ketwalihangano, nova kala have mu talele po pandjikilile noku mu fila oshisho, naashi a kula, okwa kala e hole Jehova noku mu longela noudiinini
-
Luk 2:51, 52 — Jesus okwa kala ha dulika kovadali vaye inava wanenena
-
Openi ovadali tava dulu okuhanga ewiliko, opo va deule ovana vavo?
Deut 6:4-9; Ef 6:4; 2Tm 3:14-17
Tala yo Eps 127:1; Omayel 16:3
-
Oihopaenenwa tai tu kwafele:
-
Ovatok 13:2-8 — Konima eshi Manoa a mona kutya omukulukadi waye ota ka mona okaana, okwa li a pula ewiliko shi na nanghee e na oku ka tekula
-
Eps 78:3-8 — Jehova okwa hala ovadali va honge ovana osho ve li honga mOmbiibeli
-
Nonande okaana oka tekulilwa moukwaneumbo u hole Kalunga, omolwashike tashi dulika kaha hoolole oku mu longela?
Hes 18:1-13, 20
-
Oihopaenenwa tai tu kwafele:
-
Gen 6:1-5; Jud 6 — Nonande ovaengeli ova kala naJehova meulu omido dihapu, vamwe ova hoolola oku mu tukulila ounashibofa
-
1Sam 8:1-3 — Nonande omuprofeti Samuel okwa li omudiinini nomuyuki, ovanamati vaye ova li ovanalwisho, nohava dengele odi peisho
-
Onaini ovadali ve na okuhovela okuhonga ovana kombinga yaKalunga?
-
Oihopaenenwa tai tu kwafele:
-
Deut 29:10-12, 29; 31:12; Esra 10:1 — Eshi Ovaisrael va li hava ongala pamwe ve lihonge kombinga yaJehova, ova li hava i pamwe novana vavo
-
Luk 2:41-52 — Josef naMaria ova li hava i pamwe novana vavo, mwa kwatelwa Jesus, koshivilo shOpaasa kuJerusalem
-
Oihopaenenwa ilipi ovadali ve na okushikula, ngeenge tashi uya pokwaamena ovana vavo kwaavo va hala oku va ningila ominyonena?
-
Oihopaenenwa tai tu kwafele:
-
Ex 19:4; Deut 32:11, 12 — Jehova okwe lifaafanifa nonhwa, oyo hai humbata, hai amene nokufila oshisho oudilona vayo
-
Jes 49:15 — Jehova okwa udaneka kutya ota ka amena nokufila oshisho ovapiya vaye, shi dulife nokuli nghee omudali ha ulikile okahanana kaye onghenda
-
Mat 2:1-16 — Satana okwa kendabala okudipaa okahanana Jesus, eshi a wilika ovanyanekeli veenyofi va ye kohamba ikolokoshi, Herodes, ashike Jehova okwa amena Omona, eshi a lombwela Josef a ye kuEgipiti pamwe noukwaneumbo waye
-
Mat 23:37 — Jesus okwa li a hala okwaamena oshiwana shavo ngaashi oxuxwa hai ongele nokwaamena ouxuxwena koshi yomavava ayo
-
Omolwashike ovadali ve na okuhonga ovana vavo kombinga yomilele?
-
Oihopaenenwa tai tu kwafele:
-
Lev 15:2, 3, 16, 18, 19; Deut 31:10-13 — Omhango yaMoses oya popya sha yela nghee Jehova a tala ko omilele, nokwa tiwa kutya ounona ove na okukala po, ngeenge tai leshwa mokule
-
Eps 139:13-16 — David okwa pandula Jehova monghedi omo a shita olutu lomunhu, mwa kwatelwa eshi hali dulu okudala ounona
-
Omayel 2:10-15 — Eshiivo nounongo, oyo twa pewa kuJehova, ohai dulu oku tu amena kwaavo va hala oku tu ningila owii noku tu kengelela
-
Omolwashike outekuduliko wa pumbwa okuyandjwa pahole?
Omayel 13:24; 29:17; Jer 30:11; Ef 6:4
Tala yo Eps 25:8; 145:9; Kol 3:21
-
Oihopaenenwa tai tu kwafele:
-
Eps 32:1-5 — Nonande ohamba David oya li i udite ya wililwa po, eshi ya pewa outekuduliko kuJehova, oya li yo ye lihonga kutya Jehova oha dimine po ovo ve livela ombedi shili
-
Jona 4:1-11 — Omuprofeti Jona okwa li a popya naJehova a handuka, noka li e mu fimaneka, ashike Jehova okwe mu honga nelididimiko a kale e na onghenda
-
Omolwashike outekuduliko u na okutalika ko u li onghedi yokuulika ohole?
Tala yo Omayel 15:32; Eh 3:19
Otashi dulika yo u hafele oikundafanwa ei
KALA OUPAFI!
Okupondola moukwaneumbo — Okutula po oshihopaenenwa
Ngeenge owa hala okukala ho hange omitima dovana voye, ou na okukatuka metwokumwe naasho to va hongo.
OSHUNGONANGELO — OSHIFO SHOKUKONAKONWA
Ovadali tekuleni ovana veni okudja kouhanana
Edeulo olo oli na okuhovela naini? Oli na okukala la kwatela mo shike?
KOMBINGA YETU
Pula u talelwe po
Kundafaneni kombinga yepulo lopaMbiibeli, ile u lihonge shihapu kombinga yEendombwedi daJehova.
