Etwalemo
KALUNGA Omunaenghono adishe oye Omwene weshito alishe. Onghalamwenyo yetu yopaife nosho yo yomonakwiiwa, oye likolelela muye. Oku na eenghono okuyandja ondjabi nosho yo eenghono okuhandukila. Oku na eenghono okuyandja omwenyo nosho yo eenghono okudipaa. Ngeenge otwa hokiwa kuye, ohatu ka pondola; ngeenge ine tu hokwa, otashi ke tu endela nai. Inashi fimana tuu opo elongelokalunga letu li kale la hokiwa kuye!
Ovanhu ohava longele Kalunga meenghedi dihapu. Ngeenge elongelokalunga ola fa ondjila, mbela omalongelokalunga aeshe okwa hokiwa kuKalunga? Hasho, haaeshe a hokiwa. Jesus, omuprofeti waKalunga, okwa ulika kutya ope na ashike eendjila mbali. Okwa ti: ‘Ondjila oya mbwalangadja ei tai twala mekano, ndele ava tava i mo ovahapu; ndele oshivelo oshinini nondjila oya finana ei tai twala momwenyo, novanini vongaho ovo tave i mono.’ — Mateus 7:13, 14.
Ope na ashike omalongelokalunga omaludi avali: limwe ololo tali twala komwenyo nalikwao ololo tali twala kehanauno. Elalakano loshileshomwa eshi olo oku ku kwafela u mone ondjila oyo tai twala komwenyo waalushe.