Osho Jesus a ninga

 Oshike hatu lihongo kuJesus?

2. Luhapu ohatu kala tu na eenghundafana diwa, ngeenge otwa hovele noshikundafanwa osho omunhu e na ohokwe musho.

Hopaenena Jesus

3. Kala ho tifuka. Ino kala ashike wa kanyatela okuhovela eenghundafana daasho we lilongekida. Hovela eenghundafana noinima oyo ovanhu tave lipula nayo kunena. Lipula kutya:

1.    ‘Oshike tashi popiwa moikundaneki?’

2.   ‘Ovashiinda shange, ovanailonga pamwe naame, ile ovanafikola vakwetu otava popi kombinga yashike?’

4. Kala ho konenene. Lipula kutya:

1.    ‘Oshike osho omunhu ta ningi paife? Otashi dulika te lipula kombinga yashike?’

2.   ‘Oikutu yaye, eholokepo laye, ile eumbo lavo otali lombwele nge shike kombinga yaasho a itavela, ile yeputuko laye?’

3.   ‘Mbela efimbo eli otali wapalele ngoo okupopya naye?’

5. Kala ho pwilikine.

1.    Ino popya unene.

2.   Ladipika omunhu a holole omaliudo aye. Ngeenge otashi shiiva, pula omapulo.