OKUNINGA OVANHU OVAHONGWA
OSHILESHWA 10
Kala wa halelela okukwafela ovanhu va ninge ovahongwa
Efinamhango: “Otwa halelela oku mu udifila onghundana iwa yaKalunga nokuyamba po eemwenyo detu opo tu mu kwafele.” — 1 Tes. 2:8.
Osho Jesus a ninga
1. Tala OKAVIDIO, ile lesha Johannes 3:1, 2. Opo nee to nyamukula omapulo taa shikula:
-
Omolwashike tashi dulika Nikodemus a li a hoolola okuya kuJesus oufiku? — Tala Johannes 12:42, 43.
-
Eshi Jesus a shakena naNikodemus oufiku, okwa ulika ngahelipi kutya okwa halelela okuninga ovanhu ovahongwa?
Oshike hatu lihongo kuJesus?
2. Ohatu ulike kutya otu hole ovanhu, mokukala twa halelela oku va kwafela va ninge ovahongwa.
Hopaenena Jesus
3. Kaleni hamu konakona pefimbo noponhele tai wapalele omukonakonimbiibeli woye. Otashi dulika a kale a hala okukonakona mefiku, ile pefimbo lokondadalunde. Mbela ota ka kala a manguluka okukonakonena koilonga, meumbo lavo, ile monhele yaaveshe? Ngeenge otashi shiiva, lundulula omalipyakidilo oye, opo mu konakone pefimbo noponhele oyo tai mu wapalele.
4. Konakoneni pandjikilile. Ngeenge oto di po, ino kangheka ekonakonombiibeli leni. Ponhele yaasho:
5. Ilikana u kale u na etaleko liwa. Pula Jehova e ku kwafele uha sholole okukonakona nomukonakoni woye, nokuli nonande ihamu shi ningi pandjikilile, ile ota ende kashona okutula moilonga osho te lihongo. (Fil. 2:13) Otashi dulika omukonakonimbiibeli woye e na omaukwatya mahapu mawa, onghee ilikana, opo u kale to yandje elitulemo kuo.
