OKUHOVELA EENGHUNDAFANA
OSHILESHWA 3
Popya nolune
Efinamhango: “Ohole . . . oi na olune.” — 1 Kor. 13:4.
Osho Jesus a ninga
1. Tala OKAVIDIO, ile lesha Johannes 9:1-7. Opo nee to nyamukula omapulo taa shikula:
-
Oshike osho Jesus a ninga tete; mbela okwa twikulula omulumenhu omupofi, ile okwa popya naye kombinga yonghundana iwa? — Tala Johannes 9:35-38.
-
Omolwashike omulumenhu oo a li e na ehalo lokupwilikina kuJesus?
Oshike hatu lihongo kuJesus?
2. Omunhu ota ka kala a hala okupwilikina ketumwalaka letu, ngeenge okwa mono kutya otu na ko nasha naye.
Hopaenena Jesus
3. Litula meenghaku daye. Kendabala okuuda ko omaliudo aye.
-
Lipula kutya: ‘Otashi dulika te lipula kombinga yashike? Oshike e na ohokwe musho noshike tashi dulu oku mu kwafela?’ Okuninga ngaho, otashi ku kwafele u ulike olune monghedi i li paushitwe notashi di komutima.
-
Ngeenge to pwilikine kuumwe, oto ulike kutya ou na ko nasha naasho ta popi. Ngeenge ote ku lombwele kombinga yanghee e uditile oshinima shonhumba, ile oupyakadi oo a taalela, ino lundulula oshikundafanwa.
4. Popya nolune nonefimaneko. Omunhu ota ka mona kutya ou mu uditile oukwao wananghali nowa hala oku mu kwafela, monghedi yoye yokupopya. Lungamena osho to popi nomonghedi omo to shi popi nokuhenuka okupopya oinima oyo tai mu udifa nai.
5. Kala ho kwafele. Konga eemhito tadi wapalele, opo u kwafele omunhu. Ngeenge otwa ulikile umwe olune, ota ka kala a hala okupopya nafye.
