OKUHOVELA EENGHUNDAFANA
OSHILESHWA 4
Kala omulininipiki
Efinamhango: “Kaleni hamu tale ko vakweni ve mu dule.” — Fil. 2:3.
Osho Paulus a ninga
1. Tala OKAVIDIO, ile lesha Oilonga 26:2, 3. Opo nee to nyamukula omapulo taa shikula:
-
Paulus okwa li a ulika ngahelipi elininipiko monghedi omo a li a popya nohamba Agrippa?
-
Ongahelipi Paulus a li a yandja elitulemo kuJehova nosho yo komishangwa, ponhele yokuyandja elitulemo kuye mwene? — Tala Oilonga 26:22.
Oshike hatu lihongo kuPaulus?
2. Etumwalaka letu otali ka kala lihokwifa unene, ngeenge ohatu popi monghedi yelininipiko noyefimaneko.
Hopaenena Paulus
3. Popya nefimaneko. Henuka okuulika kutya ou shii shihapu u dule omunhu oo to popi naye. Popya naye nefimaneko.
4. Ulika kutya Ombiibeli oi li odjo yoshili oyo to hongo. Eendjovo daKalunga otadi dulu okunwefa mo okudiladila nosho yo omaliudo ovanhu. Ngeenge hatu di longifa ohatu pameke eitavelo lavo kekanghameno lashili.
5. Kala u na ondjele. Ino kendabala okuulika kutya ou li mondjila. Inatu hala oku va twifa eemhata. Ulika elininipiko mokukala wa ngungumana nokukangheka eenghundafana, ngeenge opa holoka eenhamanana. (Omayel. 17:14; Tit. 3:2) Ngeenge owa popi naye nawa, otashi ke mu linyengifa a ka tambule ko etumwalaka letu monakwiiwa.
