OKUNINGA OMALISHUNEKO
OSHILESHWA 7
Twikila okukwafela vamwe
Efinamhango: ‘Ova twikila okuhonga ovanhu noku va udifila onghundana iwa.’ — Oil. 5:42.
Osho Paulus a ninga
1. Tala OKAVIDIO, ile lesha Oilonga 19:8-10. Opo nee to nyamukula omapulo taa shikula:
Oshike hatu lihongo kuPaulus?
2. Otwa pumbwa okulongifa efimbo letu nokuninga eenghendabala, opo tu ninge omalishuneko nomakonakonombiibeli taa pondola.
Hopaenena Paulus
3. Talela po omunhu pefimbo olo tali mu wapalele. Lipula kutya: ‘Onaini handi dulu okukwatafana naye? Openi nonaini handi dulu okukundafana naye?’ Mu talela po, nokuli nonande efimbo olo a hoolola itali ku wapalele.
4. Ninga oshilaye. Pexulilo leenghundafana deni, alushe mu pula kondadalunde kutya onaini tamu dulu vali okukundafana. Shilipaleka kutya owa shuna ko pefimbo olo mwa udafana.
5. Twikila okukala u na elineekelo. Ino endelela okufika pexulifodiladilo kutya omunhu, oo iha kala meumbo, ile ha kala alushe e lipyakidila, ke na ohokwe. (1 Kor. 13:4, 7) Ponhele yaasho, twikila okukala ho shuna ko, ndele longifa nawa efimbo loye. — 1 Kor. 9:26.
