Fimbo ino hovela nekonakonombiibeli

1. 1. Lilongekida nawa. Eshi to lilongekida, diladila kombinga yeemhumbwe domukonakoni woye, eenghalo odo ta piti mudo nosho yo osho a itavela. Diladila kombinga yoitwa oyo tashi dulika idjuu kuye okuuda ko, ile okutula moilonga. Konakona nghee oikundafanwa oyo i li koshi yoshitukulwa “Tala ouyelele wa wedwa po” tashi dulika i kwafele omukonakoni woye. Kala we lilongekida oku i longifa, eshi tamu konakona.

Pefimbo lekonakono

1. 2. Hovela nokuxulifa neilikano, ngeenge omukonakoni woye okwe shi dimina.

2. 3. Ino popya unene. Yandja elitulemo koshikundafanwa, ndele to pitike omukonakoni woye a holole omaliudo aye.

3. 4. Ngeenge tamu tameke oshitukulwa shipe, lesheni enenediladilo loshitukulwa, ndele to popi imwe yo moipalanyole yoileshwa.

4. 5. Ngeenge omwa mane ko oshitukulwa, longifa eendululo loshitukulwa, opo u kwafele omukonakoni woye a dimbuluke osho e lihonga.

5. 6. Eshi tamu konakona oshileshwa keshe nomukonakoni woye:

   1. Lesheni outendo.

   2. Lesheni omishangwa adishe odo da shangwa “Lesha.”

   3. Lesheni yo omishangwa dikwao odo da etwa mo, ngaashi tashi dulika.

   4. Daneni ouvidio aveshe ovo va shangwa “Dana” (ngeenge otashi shiiva).

   5. Pula omukonakoni woye omapulo aeshe.

   6. Pula omukonakoni woye a tale komafano, oo e li moshitukulwa “Konakona moule,” ndele to mu pula a yandje etyekosha.

   7. Longifa oshimhungu “Omalalakano,” opo shi kwafele omukonakoni woye a tale nghee ta ningi exumokomesho. Oto dulu oku mu ladipika a longife oshihopaenena shomalalakano, opo e litulile po omalalakano amwe vali, ile aeshe.

   8. Pula omukonakoni woye, ngeenge okwa hafela shimwe shomoitukulwa, ile ouvidio ovo ve li koshi yoshitukulwa “Tala ouyelele wa wedwa po,” eshi a li te lilongekida.

   9. Kendabala u mane ko oshileshwa pefimbo limwe.

Konima yekonakono

1. 7. Kala to diladila kombinga yomukonakoni woye. Ilikana kuJehova a nangeke noupuna exumokomesho lomukonakoni woye noku Mu pula e ku pe ounongo u mone nghee to dulu oku mu kwafela.