Ovahongwa vaJesus ova li va longa noudiinini moilonga yokuyandja oundombwedi kombinga yOuhamba waKalunga okudja, eshi va tililwa omhepo iyapuki pOpentekoste 33 O.P. Moshitukulwa eshi, ohatu ka kundafana kombinga yehokololo litunhula li na sha nokutotwa po kweongalo lopaKriste, nghee ovahongwa va li va yandja oundombwedi nexwamo muJerusalem nosho yo nghee ovayapostoli va li va popila nouladi oilonga yokuudifa nonande opa li omapataneko a kwata moiti.