Eshi omudo 2023 tau hovele, atushe otwa hala oinima i tu endele nawa nosho yo omaukwaneumbo etu. Omolwashike twa pumbwa okukala tu na eteelelo li na sha nonakwiiwa?

 Ombiibeli oye tu lombwela onghundana iwa kutya, omaupyakadi oo hatu shakeneke paife oopakafimbo notaa ka xulifwa po mafiku. Paulelalela, Ombiibeli ‘oya shangwa omolwehongo letu opo tu hekelekwe kOmishangwa.’ — Ovaroma 15:4.

•   Opo u lihonge shihapu shi na sha naasho Ombiibeli ya udaneka, lesha oshitukulwa “A Real Hope for a Better Tomorrow.”

 Ombiibeli otai yandje eteelelo olo li li ngaashi “ekanghamifo leemwenyo detu.” (Ovaheberi 6:19) Eteelelo olo otali dulu oku tu ngungumaneka. Otali tu kwafele tu lididimikile omaupyakadi, oo tu li muo paife, tu kale tu na etaleko liwa notu mone ehafo tali kalelele. Pashihopaenenwa:

•   Tala nghee eteelelo olo tali hangwa mOmbiibeli la li la kwafela omulumenhu umwe, oo a li a pikwa. Tala okavidio Kanda li nda hafela onghedi yange yokukalamwenyo’.

•   Tala nghee eteelelo olo tali hangwa mOmbiibeli tali dulu oku tu kwafela, ngeenge twa filwa umwe oo tu hole. Tala okavidio Ehekeleko kwaavo va nyika oluhodi.

 Ovanhu vahapu ohava kala va teelela oinima iwa i ningwe, ashike kave na oushili, ngeenge otai ka ningwa ngoo shili. Ndele osho Ombiibeli ya udaneka osha yooloka ko. Omolwashike mbela? Omolwaashi omaudaneko Ombiibeli okwa dja ku Jehova, Kalunga,  a “oo iha fufya.” (Titus 1:2) Jehova oye ashike e na eenghono dokuwanifa po omaudaneko aye aeshe; “oha wanifa ashishe, eshi a hala.” — Epsalme 135:5, 6.

 Ohatu ku shivi pahole u mone ouwa meteelelo li shii okulineekelwa, olo tali hangwa mOmbiibeli. Oto dulu okukala u na eteelelo la twa moku i “konakona noukeka.” (Oilonga 17:11) Tala kutya eenghundafana detu doshali dopaMbiibeli ohadi ningwa ngahelipi. Hovela omudo 2023 u na omukumo.