Ehangano lOukalinawa mOunyuni (WHO) ola popya mo 23 Mei 2022 kutya ovanhu 6,27 ova fya ko-COVID-19. Ashike shi na sha neenghundana odo da pitile mo 5 Mei 2022, Ehangano lOukalinawa mOunyuni ola popya kutya omukifi oo otau ka twaalela eemwenyo dovanhu vahapu neenghono. Ola ti kutya okudja 2020 fiyo 2021, “ovanhu ovo va fya ko-COVID-19, kutya nee odikilila, ile ovovo va hangwa nale tava lumbu nomikifi dimwe . . . ove fike peemiliyona 14,9.” Mbela Ombiibeli oya popya sha shi na sha nomikifi da tya ngaho?

•    Jesus okwa xunganeka kutya otaku ka kala “omikifi dolutapo” “momafiku axuuninwa.” — Lukas 21:11; 2 Timoteus 3:1.

 Exunganeko laJesus olo otali wanifwa kunena. Opo u mone ouyelele muhapu, lesha oshitukulwa “What Is the Sign of ‘the Last Days,’ or ‘End Times’?”

•    “Kalunga kehekeleko alishe, oo he tu hekeleke momaudjuu etu aeshe.” — 2 Ovakorinto 1:3, 4.

 Ovanhu ovo va filwa ovaholike vavo otava dulu okuhekelekwa keendjovo odo tadi hangwa mOmbiibeli. Mona ouyelele muhapu moshitukulwa “Okuungaunga noluhodi — Osho to dulu okuninga” nosho yo “Osho tashi dulu okukwafela neenghono ovo va nyika oluhodi.”

•    “Ouhamba woye nau uye. Ehalo loye nali wanifwe yo kombada yedu ngaashi meulu.” — Mateus 6:10.

 Koshi ‘yOuhamba waKalunga’ “onakukala mo nande umwe ta ti: ‘Aame oshingone.’” (Markus 1:14, 15; Jesaja 33:24) Tala okavidio Ouhamba waKalunga oshike? opo u lihonge shihapu kombinga yepangelo lomeulu, naasho tali ya li ninge.

 Ohatu ku shivi opo u lihonge shihapu kombinga yaasho Ombiibeli tai ti, opo ove noukwaneumbo weni mu mone ouwa momayele ayo mawa nosho yo momaudaneko a nwefwa mo.