Omupresident wOmbaanga yOunyuni okwa popya molaporta yaJuni 2022 a ti: “Eliko lounyuni oli li natango moshiponga. Eendado doinima nosho yo omayakulo oda londa pombada neenghono, ofimbo ovanhu tava xupu shokadila.”

 O-International Monetary Fund oya ti: “Omahooli nosho yo oikulya oya londa pombada neenghono adishe. Oilongo oyo i na oyuuyemo inini otai tu nodikwa.”

 Ombiibeli otai tu kwafele tu mone kutya omolwashike twa taalela onghalo yopamaxupilo ya tya ngaho, nanghee hatu dulu okuungaunga nayo nosho yo okukala neteelelo olo kutya mafiku oupyakadi oo otau ka kandulwa po filufilu.

•   Ombiibeli oya popya kutya otu li “momafiku axuuninwa.” — 2 Timoteus 3:1.

•   Jesus okwa ti kutya “omamoniko matilifi,” ile oiningwanima itilifa otai ka didilikifa mo efimbo olo. (Lukas 21:11) Ovanhu ove na outile u na sha nokulonda kweendado. Otave lipula shi na sha nonakwiiwa yavo nonokutya otava ka dula tuu okupalula omaukwaneumbo avo.

•   Embo lEhololo ola xunganeka kutya ondado yoikulya otai ka londa pefimbo eli. “Onda uda ondaka . . . ya ti, ‘Olitela imwe yoilya yo-wheat oi na odenari, neelitela nhatu doilya yo-Barley odi na odenari, ondjabi yefiku limwe.” — Ehololo 6:6, Easy-to-Read Version.

 Opo u lihonge shihapu kombinga ‘yomafiku axuuninwa’ nosho yo exunganeko olo tali hangwa membo lEhololo, tala okavidio Ounyuni owa lunduluka okudja mo 1914 nosho yo lesha oshitukulwa “Ovalondinghambe vane ovo oolyelye?”

•   “Vo otava ka dika omaumbo ndele tava kala mo, ndele tava twike oikokola yomiviinyu, ndele tava li oiimati yayo. Itava ka tunga mu kale vamwe, ihava ka twika, vamwe ngeno va lye oiimati yavo.” — Jesaja 65:21, 22.

•   “Moshilongo namu kale oshishipo shoilya, yo i mene fiyo okeexulo deemhunda.” — Epsalme 72:16.

•   “Omwene Ye ta ti: ‘Molwokufininikwa kwomapongo, nomolwokunyemata kweehepele nda hala okufikama paife.’” — Epsalme 12:5.

 Kalunga mafiku ota ka xulifa po oupyakadi u na sha nouxupilo mounyuni aushe, ndele hamoshilongo ashike shimwe. Opo u mone nghee te ke shi ninga, lesha oshitukulwa “Is a Fair Economic System Possible?”

 Ombiibeli otai tu kwafele nokunena tu dule okuungaunga noupyakadi weendado odo tadi londo. Ngahelipi mbela? Oi na omayele e na sha nanghee tu na okulongifa pandunge oimaliwa. (Omayeletumbulo 23:4, 5; Omuudifi 7:12) Opo u mone ouyelele muhapu, lesha oshitukulwa “Protect Your Livelihood” nosho yo “How to Live on Less.”