Inger Andersen, omupedu wahamushagandjai wEhangano lOiwana ya Hangana noku li omukulunhu wo-UN Environment Programme, okwa popya mo 25 Juli 2023 a ti: “Eshi onghalo yomhepo tai ende nokulunduluka, osha ningifa ovanhu vahapu va kale va lyalyakana nosha kuma yo oilando nosho yo eshito alishe. Oikungulu inene, oyo tai ende nokunaipala, otai hanauna po omaumbo nokudjuupaleka onghalamwenyo yovanhu. Omeva mefuta nao otaa ende taa pupyala, osho sha nyika oshiponga koishitwa oyo i li mefuta.”

 Mbela omapangelo onaa ka hangane ngoo fiku limwe nokukandula po omaupyakadi oo? Mbela otaa dulu okumona ekandulepo tali kalelele lomaupyakadi oo?

 Ombiibeli oya popya kombinga yepangelo limwe, olo tali dulu notali ka xulifa po eenghalo adishe, odo tadi nyono eshito. Oya ti: “Kalunga ou komeulu ota ka dika ouhamba,” ile tu tye epangelo olo tali ka pangela, nokuxulifa po omaupyakadi aeshe oo e li kombada yedu. (Daniel 2:44) Koshi yepangelo olo, ovanhu ‘itava ka ningila vakwao owii, ile okunyona’ edu. — Jesaja 11:9.