KALENI OUPAFI!
Elongifo leenghono omolwopolotika — Ombiibeli otai ti ngahelipi?
Elongifo leenghono omolwopolotika ola hapupala, nosha etela ovanhu oshisho mounyuni aushe.
Edipao lovanapolotika 39, olo la ya pombada shi dulife nale, pamwe nelongifo leenghono lopapolotika moMexico, oya li ya kumwifa ovanhu noye va ningifa vaha yandje elitulemo komahoololo aamo 2023-2024.
Efimbo opo la di ko, moEuropa omwa ningwa oiningwanima ihapu yelongifo leenghono omolwopolotika, mwa kwatelwa eshi omuprima waSlovakia hanga a dipawa mo 15 Mei 2024.
Ovanhu moUnited States ova kumwa neenghono, eshi Donald Trump, oo a li nale omupresidende, hanga a dipawa mo 13 Juli 2024.
Omolwashike elongifo leenghono omolwopolotika la hapupala? Mbela onali ka xule ngoo? Ombiibeli otai ti ngahelipi?
Okwa xunganekwa kutya opolotika otai ka etifa etukauko
Ombiibeli oya xunganeka kutya pefimbo letu, tali ulike ‘komafiku axuuninwa,’ ovanhu vahapu otava ka kala ve na oikala oyo tai ka etifa elongifo leenghono nokuhaudafana.
“Momafiku axuuninwa otapa ka kala omafimbo madjuu okukaliwa muo. Osheshi ovanhu otava ka kala . . . vehe shii okupandula, vehe fi ovadiinini, . . . vehe na elongelokumwe, . . . ovakwanyanya, . . . ovakengeleledi, ve na omitwe dikukutu, ve na ounhwa.” — 2 Timoteus 3:1-4.
Ombiibeli oya xunganeka yo kutya omapiyaano, ngaashi ovanhu tava tukululile omapangelo ounashibofa nosho yo omakuyunguto opapolotika, otaa ka hapupala pefimbo eli. (Lukas 21:9) Ashike elongifo leenghono netukauko omolwopolotika itai kalelele.
Okuxulifwa po kwelongifo leenghono omolwopolotika
Ombiibeli oya popya kutya Kalunga ota ka pingena po omapangelo aeshe opanhu nepangelo laye lomeulu.
‘Kalunga ou komeulu ota ka dika po ouhamba oo tau ka teyaula omauhamba aeshe noku a xulifa po, ndelenee woovene tau ka kala fiyo alushe.’ — Daniel 2:44.
Ouhamba waKalunga otau ka hanganifa shili ovanhu nokweeta ombili mounyuni aushe.
Nokuli nopaife, ovapangelwa vao otave lihongo nghee ve na okukala nombili. Oshidjemo, Ombiibeli oya ti: “Ndele vo otava ka hambula omaongamukonda omatemo, nomaonga avo oikashulifo; ndele itava ka lwifafana vali nongaashi itave lilongo vali oukwaita.” — Jesaja 2:3, 4.
Opo u lihonge shihapu, lesha oshitukulwa “Ouhamba waKalunga otau uya okuninga shike?” nokutala okavidio Ouhamba waKalunga oshike?
Otashi dulika yo u hafele oikundafanwa ei
OSHUNGONANGELO
Ouhamba waKalunga otau uya okuninga shike?
Jesus okwa li e shii kutya Ouhamba waKalunga oo ashike epangelo tali dulu okukandula po omaupyakadi kombada yedu. Ouhamba waKalunga owa ninga nale shike opo tu kale twe u lineekela?
KALENI OUPAFI!
Ovanhu otava kanifa elineekelo movanapolotika — Ombiibeli otai ti ngahelipi?
Ombiibeli otai tu londwele tu kale twa lungamena ovo tu na okulineekela, noye tu lombwela yo umwe oo tu na okulineekela, oo ta ka xwepopaleka onakwiiwa.
KALENI OUPAFI!
Omolwashike oinima yopapolotika hai tukaula ovanhu neenghono?—Ombiibeli otai ti ngahelipi?
Omatukauko opapolotika otaa hapupala mounyuni aushe. Ombiibeli oya popya kutya ope na umwe, oo ta ka hanganifa ovanhu aveshe kombada yedu.
OSHUNGONANGELO
Olyelye a hoololwa kuKalunga a ninge Omupangeli?
OMAHONGO OMBIIBELI
Tala nghee eenghundafana detu dopaMbiibeli hadi ningwa
Oto dulu okuhovela eenghundafana dopaMbiibeli naumwe oshali.
