Ovanhu vahapu ova didilika kutya ovanhu vomihoko adishe ihava ungaungiwa navo shi fike pamwe.

•   António Guterres, oo e li hamushangandjai wOiwana ya Hangana, okwa ti: “Moitukulwa keshe mounyuni, omahangano nosho yo okukalamwenyo kovanhu kwakeshe fiku okwa nwefwa mo nai koukwamuhoko. Naasho osha ningifa ovanhu va twikile okukala tava ungaunga navakwao nokatongo.”

 Mbela ope na ngo efiku ovanhu vomihoko da yoolokafana va kale va hangana vehe na oukwamuhoko? Ombiibeli otai ti ngahelipi?

 Ombiibeli otai tu hongo nghee Kalunga a tala ko ovanhu vomihoko da yoolokafana.

•   “[Kalunga] okwa shita oiwana aishe okudja momunhu umwe opo i lihanene kombada yedu alishe.” — Oilonga 17:26.

•   “Kalunga ke na okatongo, ndele oha tambula ko omunhu womoshiwana keshe oo he mu tila noha longo osho sha yuka.” — Oilonga 10:34, 35.

 Ombiibeli oya ulika kutya ovanhu aveshe ova pambafana nonokutya Kalunga oha tambula ko ovanhu vomaludi aeshe.

 Oukwamuhoko otau ka xulifwa po ashike koshi yOuhamba waKalunga, epangelo laye lomeulu. Epangelo olo otali ka honga ovanhu nghee ve na okuungaunga navakwao nawa. Ovanhu otave ke lihonga nghee ve na okududa mo oikala youkwamuhoko momitima davo.

•   ‘Ovanhu otave lihongo ouyuki.’ — Jesaja 26:9.

•   “Ndele oshilonga shouyuki osho ombili neliko louyuki etulumuko, nokulimwenenena nomokulineekela fiyo alushe.” — Jesaja 32:17.

 Kunena, ovanhu omamiliyona otave lihongo mOmbiibeli nghee ve na okuungaunga navakwao nombili nonefimaneko.

•   Opo u lihonge shihapu, lesha oshitukulwa moshifo Kaleni oupafi! shi na oshipalanyole “Is There a Cure for Prejudice?”

•   Lesha oshitukulwa “Nghee to dulu okupopya nounona kombinga youkwamuhoko,” opo u lihonge nghee ovadali tava dulu okukundafana meumbo oshikundafanwa osho.