Oita oyo i li moUkraine, oya ningifa onghalo yomhepo i lunduluke, naasho otashi etifa nakaidi kahalwenya mounyuni aushe. Onghalo oyo oya kuma unene oilongo oyo opo tai putuka, omo shidjuu kovanhu vahapu okumona oipalwifa ya wana.

•   António Guterres, hamushangandjai wehangano lo-UN, okwa popya mo 17 Juli 2023 a ti: “Oshidjuu paife okunduluka oikulya ya wana omolwomakuyunguto, onghalo yomhepo oyo tai lunduluka, eendado doinima odo tadi ende nokulonda pombada naikwao ihapu.”

•   Mo 23 Juli 2023, epandja loikundaneki lo-Atalayar.com, ola popya la ti: “Russia ke li vali meudafanotwokumwe lokutuma oikulya okudja koUkraine. Ovashiivinawa otava diladila kutya osho otashi ka naipika onghalo. Oikulya otai ka ninga ondilo neenghono adishe moilongo oyo i na eliko li li pedu ngaashi oilongo oyo i li kolundume laAfrica noilongo yokOushilo woPokati.”

 Tala osho Ombiibeli tai ti kombinga yondjala nosho yo onakwiiwa.

•   Jesus okwa xunganeka a ti: “Oiwana otai ka lwifafana, omauhamba otaa ka kondjifafana, notaku ka kala ondjala.” — Mateus 24:7.

•   Ombiibeli oya popya mEhololo kombinga yovalondinghambe vane vopafaneko. Omulondinghambe umwe ota faneke oita. Okwa shikulwa kuumwe ta faneke ondjala, efimbo opo oikulya tai ka kala ya pumba notai ka kala i na ondilo neenghono adishe. “Onda mona onghambe ilaula, nomulondi wayo okwa li e na oiyelekifo ivali meke laye. Onda uda ondaka . . . ya ti, ‘Olitela imwe yoilya yo-wheat oi na odenari, neelitela nhatu doilya yo-Barley odi na odenari. (Eshangelo lopedu: Oshimaliwa shoshisilveri shaRoma shi fike pondjabi yefiku limwe.)’” — Ehololo 6:5, 6.

 Exunganeko olo li na sha nondjala otali wanifwa po pefimbo olo la popiwa mOmbiibeli kutya “omafiku axuuninwa.” (2 Timoteus 3:1) Opo u mone ouyelele muhapu u na sha “nomafiku axuuninwa” nosho yo ovalondinghambe vane ovo va popiwa mEhololo, tala okavidio Ounyuni owa lunduluka okudja mo 1914 nokulesha oshitukulwa “Ovalondinghambe vane ovo oolyelye?”

•   Mombiibeli otamu hangwa omayele mawa, oo taa dulu oku tu kwafela tu ungaunge neenghalo didjuu, mwa kwatelwa okulonda kweendado doikulya nosho yo ondjala. Opo u mone oihopaenenwa imwe, lesha oshitukulwa “How to Live on Less.”

•   Ombiibeli oya popya yo kombinga yeteelelo, eshi onghalo tai ka alukila kouwa. Oya udaneka kutya efimbo otali ke uya, eshi taku ka kala “oshishipo shoilya” nakeshe umwe ota ka kala e na oikulya. (Epsalme 72:16) Opo u mone ouyelele muhapu u na sha neteelelo lomonakwiiwa, lesha oshitukulwa “A Real Hope for a Better Tomorrow.”