Peevili dongula mo 24 Februali 2022, ovakwaita vaRussia ova hovela okuponokela Ukraine, nonande ovakwanepangelo vahapu vokoilongo imwe ova kendabala okukelela osho shiha ningwe. Oshinima osho osha kuma ngahelipi ounyuni? Hamushanga wOiwana ya Hangana, António Guterres, okwa popya omafiku manini a pita ta ti: “Katu shii kutya okuhaudafana oko otaku ka kuma ongahelipi eameno moilongo yaEuropa nosho yo ounyuni aushe.”

•   Jesus Kristus okwa xunganeka kutya ‘oiwana otai ka lwifafana nomauhamba otaa ka kondjifafana.’ (Mateus 24:7) Lesha oshitukulwa “What Is the Sign of ‘the Last Days,’ or ‘End Times’? [Oshike tashi ka kala edidiliko ‘lomafiku axuuninwa,’ ile ‘lexulilo’?]” opo u mone nghee oita tai wanifa po exunganeko laJesus olo li li mOmbiibeli.

•   Embo lEhololo ola popya kombinga yoita la longifa omulondi ‘wonghambe itilyana,’ oo ‘a pitikwa a nyone po ombili kombada yedu.’ (Ehololo 6:4) Lesha oshitukulwa “Ovalondinghambe vane ovo oolyelye?” nokutala nghee exunganeko olo tali wanifwa po moita oyo tai luwa kunena.

•   Embo laDaniel ola xunganeka oita pokati “kohamba yokoumbangalanhu” nosho yo “ohamba yokoumbuwanhu.” (Daniel 11:25-45) Tala okavidio Exunganeko olo la wanifwa po — Daniel etukulwa 11, opo kutya omolwashike Russia novayambididi vaye ovo ve li ohamba yokoumbangalanhu. a

•   Ehololo ola popya yo kombinga “yoita mefiku linene laKalunga Omunaenghono adishe.” (Ehololo 16:14, 16) Ashike oita oyo itai ka kala pokati koiwana, ngaashi tu shi wete paife. Opo u mone ouyelele u na sha noiningwanima yomonakwiiwa, lesha oshitukulwa “Oita yaArmagedon oshike?”

•   Ombiibeli oya xunganeka kutya ‘oita otai ka xulifwa po fiyo okeengaba dedu.’ (Epsalme 46:9) Lesha oshitukulwa “A Real Hope for a Better Tomorrow [Mafiku oinima otai ka xwepopala],” opo u lihonge shihapu shi na naasho Kalunga a undaneka monakwiiwa.

•   Jesus okwa honga ovashikuli vaye va ilikane kombinga yOuhamba waKalunga. (Mateus 6:9, 10) Ouhamba oo epangelo lomeulu, olo tali ka wanifa po ehalo laKalunga kombada yedu nokweeta ombili mounyuni aushe. Opo u mone omauwa oo taa ka etwa kOuhamba, tala okavidio Ouhamba waKalunga oshike?

 MuUkraine omu na Eendombwedi daJehova di dulife 129 000. Ngaashi Eendombwedi dikwao moilongo aishe, ohadi hopaenene Jesus mokukala dihe na ombinga moinima yopapolotika nokuhakufa ombinga moita. (Johannes 18:36) Eendombwedi daJehova mounyuni aushe otadi twikile ‘okuudifa onghundana iwa yOuhamba,’ oo kutya oo auke tau ka kandula po oupyakadi wovanhu, mwa kwatelwa noita. (Mateus 24:14) Kwatafana nafye, opo u lihonge shihapu kombinga yeteelelo litunhula olo tali hangwa mOmbiibeli.