«Библияның кинделерінең танысханы» тіп видеоларның пірсі
Библияның полған на киндезінеңер хысхаҷахти.
Бытие тіп кинденең танысханы
Бытие тіп киндеде кізілер хайдаң килгеннеңер, ноға кізілер ирееленчеткеннеңер паза ӱрепчеткеннеңер чоохталча.
Исход тіп кинденең танысханы
Худай израильтяннарны Египетте хул полғанынаң осхырып алып, оларны позының чоны идіп алған.
Левит тіп кинденең танысханы
Левит тіп киндедең Худай ах-арығ полчатханнаңар паза ноға піске ах-арығ поларға кирек полчатханнаңар піліп алыңар.
Числа тіп кинденең танысханы
Ноға Иегованың чооғын истерге кирек полчатханнаңар паза Худай турғысхан кізілернің чооғын истерге кирек полчатханнаңар піліп алыңар.
Второзаконие тіп кинденең танысханы
Кӧріңер, хайди Иегованың Израильге пирген Чахиинда аның позының чонына тың хынчатханы кӧрінген.
Иисус Навиннің киндезінең танысханы
Кӧріңер, хайди Израиль чоны Худай пирген чирні чаалап алған паза Израильнің уйаларының аразында ӱлестіріп алған.
Судей тіп кинденең танысханы
Библияның пу киндезі Худай Израиль чонын ыырҷылардаң арачылирға турғысхан махачы чарғыҷылардаңар чоохтапча.
Руфь тіп кинденең танысханы
Пу кинде чиит ӧкіс ипчі хазинезіне позына айанмин хынғаннаңар паза хайди Иегова аны сыйыхтаннаңар чоохтапча.
Самуилнің пастағы киндезінең танысханы
Израильнің тархынында хайди чарғыҷыларның орнына ханнар устап пастаанын піліп алыңар.
Самуилнің ікінҷі киндезінең танысханы
Хайди Давид киртінізінің паза пазымнығ тудынызының сылтаанда кізілернің кӧңнілеріне кірчеткен Библиядағы персонажтарның пірсі пол парғанын піліп алыңар.
Пастағы Царей тіп кинденең танысханы
Соломон устаан туста Израиль пай, ӧңненчеткен хазна полған. Хайди ол ікі удур-тӧдір ыырласчатхан хазнаа айлан парған? Піліп алыңар.
Ікінҷі Царей тіп кинденең танысханы
Израиль чоны идолларға пазырысха пат парған туста хайди Иегова ағаа прай чӱрекнең пазырчатхан кӧп нимес кізілерні алғастапчатханын кӧріп ал.
Пастағы Летопись тіп кинденең танысханы
Худайдаң хорыхчатхан Давид ханның родынаң паза аның уғаа пай чуртазынаң — ханға турғанынаң ӧлгеніне читіре — танызып алыңар.
Ікінҷі Летопись тіп кинденең танысханы
Иуданың ханнары устаан тустарда полған киректер Худайға киртістіг полғаны нинҷе аарлығ полчатханын кӧзітчелер.
Ездраның киндезінең танысханы
Позының чонын Вавилондағы пленнең позыдарға паза Иерусалимде сын пазырысты хатап турғыс саларға пирген сӧзін толдыр салған.
Неемияның киндезінең танысханы
Неемияның киндезінең амғы тустағы, сын христианнарға аарлығ ӱгредіглер піліп аларға чарир.
Эсфирь тіп кинденең танысханы
Эсфирьнің тузында полған киректер пӱӱн дее Иегова Худайның чонын сынағлардаң осхырып аларға кӱзі парына киртінізіңерні тыыдар.
Иов тіп кинденең танысханы
Иеговаа хынчатхан кізілер прайзы сынағларға урунарлар. Иовтаңар чоох піске Иеговаа киртістіг хал поларыбысха паза аның ӱлгӱзінің саринда тур халарыбысха ізеніс пирче.
Псаломнар киндезінең танысханы
Псаломнар Иегованың ӱлгӱзіне хабасчалар, ағаа хынчатханнарға полысчалар паза оларны часхарчалар. Аның Хан-ӱлгӱзі чир-чалбахты хайди алыстырыбызарын кӧзітчелер.
Притчи тіп кинденең танысханы
Худай пирчеткен устағларны таап алыңар. Ол устағлар чуртастың хайдағ даа сариларына — деловой даа, сӧбіренең палғалыстығ даа сариларына.
Экклезиаст тіп кинденең танысханы
Соломон хан сынап аарлығ нимелер Худайның харағында аарлығ полбинчатхан нимелердең пасха полчатханын кӧзітче.
Песнь песней кинденең танысханы
Сулам хыстың паза хадарҷының аразындағы хыныс «Иаг от-чалыны» тіп адалча. Ноға?
Исаия киндезінең танысханы
Исаия киндезі — ухаанҷыластарның киндезі. Ол кинде Иегова хаҷан даа молҷағларын толдырчатханына паза позының чонын арачылапчатханына киртінерге полысча.
Иеремияның киндезінең танысханы
Сидіктер полған полза даа, Иеремия киртістіг нымысчыланған. Аның кӧзідімі амғы тустағы христианнарға нименең туза поларынаңар сағын кӧріңер.
Плач Иеремии кинденең танысханы
Плач Иеремии киндені Иеремия ухаанҷы пас салған. Анда Иерусалим иңзеріл парғаннаңар сыыт пазылча паза прай чӱрекнең пыросынчатханнарға Худай паарсапча тіп чоохталча.
Иезекиильнің киндезінең танысханы
Иезекииль Худай пирген тоғысты — ол тоғыс хайдағ даа аар полза — пазымнығ паза махачы толдырҷаң. Анзында ол піске уғаа чахсы кӧзідім.
Даниилның киндезінең танысханы
Даниил паза аның нанҷылары прай сынағларда Иеговаа киртістіг халғаннар. Пӱӱн оларның кӧзідімнері паза ухаанҷыластар толчатханы пістің кӧңнілерібісті кӧдірче.
Осияның киндезінең танысханы
Осияның ухаанҷылазы чазыхтарында пыросынчатханнарға Иегованың паарсазынаңар паза Худайға хайди пазырарға кирек полчатханнаңар кӧп нимее ӱгретче.
Иоильнің киндезінең танысханы
Позының ухаанҷылазында Иоиль Иегованың хорғыс ағылчатхан кӱнінеңер паза хайди ол кӱнде тіріг халарынаңар пас салған. Аның сӧстері амғы тусха уғаа килістіре.
Амостың киндезінең танысханы
Иегова пу пазымнығ кізее аарлығ тоғыс пирген. Амостың кӧзідімі пісті нимее ӱгретче?
Авдийнің киндезінең танысханы
Авдийнің киндезі Еврейлер Пічиинің алай Иргі Молҷағның иң хысхаҷах киндезі. Анда ізеніс хабары пазылча паза Иегованың ӱлгӱзі законнай полчатханы хаҷанға даа киречілелер тіп молҷалча.
Ионаның киндезінең танысханы
Иона ухаанҷы Иегова пирген ӱгредігні піліп алғаннаңар, ағаа пирген тоғысты толдырғаннаңар паза Худайның киртістіг хынызын паза паарсазын чахсы піліп алғаннаңар пасча. Аның кӧзідімі сірернің чӱрееңерге теңер.
Михейнің киндезінең танысханы
Худайның пу ухаанҷылазы Иегова пістең хыйға ла нимелерні киректепчеткеніне паза оларның хоостыра тудынғаны хаҷан даа туза полчатханына киртінізібісті тыытча.
Наумның киндезінең танысханы
Пу ухаанҷылас Иегова молҷағларын хаҷан даа толдырчатханына ізеніс пирче, ідӧк аның хан-ӱлгӱзінде арачыланыс паза амыр чуртас тілепчеткеннерні часхарча.
Аввакумның киндезінең танысханы
Піс ікінҷілебинчебіс: хаҷан паза хайди позының чонын арачылирға Иегова пілче.
Софонияның киндезінең танысханы
Иегованың кӱні килбес тіп сағынғаны ноға хорғыстығ?
Аггейнің киндезінең танысханы
Аггейнің киндезінде позыбыстың хынығыстарыбысты нимес, че Худайға нымысчыланызыбысты чуртазыбыста пастағы орынға турғызарға кирек тіп чоохталча.
Захарияның киндезінең танысханы
Худай худы пастыра пазыл парған кӧп ухаанҷыластар Худайның пурунғы нымысчыларының киртіністерін тыытханнар. Ол ухаанҷыластар ам даа Иегова піске хабасчатханына ізеніс пирчелер.
Малахияның киндезінең танысханы
Пу ухаанҷыласта Иегованың алыспас принциптерінеңер, паарсазынаңар паза хынызынаңар чоохталча, ідӧк анда пістің тусха тузалығ паза аарлығ ӱгредіглер пар.
Матфейнің Чахсы Хабарынаң танысханы
Матфейнің Чахсы Хабары тӧрт Чахсы Хабарның пастағы киндезі. Пу киндедеңер хысхаҷах видео кӧріп алыңар.
Марктың Чахсы Хабарынаң танысханы
Марктың киндезі тӧрт Чахсы Хабарның иң хысхаҷах Чахсы Хабары. Ол кинде Иисус Христос Худайның Хан-ӱлгӱзінде хайди устирын кӧзітче.
Луканың Чахсы Хабарынаң танысханы
Нимеденер Луканың Чахсы Хабарында ла пазылча?
Иоанның Чахсы Хабарынаң танысханы
Иоанның Чахсы Хабарында Иисустың кізілерге хынызынаңар, пазымнығ тудынызынаңар паза ол Мессий — Худайның Хан-ӱлгӱзінің ханы — полардаңар киречілестер пазыл парғаннар.
Илҷілернің чуртастарынаң танысханы
Пастағы христианнар пасха чоннарның аразында ӱгренҷілер тимниріне прай кӱстерін салғаннар. Илҷілернің чуртастары тіп кинде пісті прай кӱс салып нымысчыланыста аралазарға кӧӧктірче.
Римдегілерге пічікнең танысханы
Пу видеода Иегова сырай таллабинчатханына паза Иисус Христосха киртінерге аарлығ полчатханына хайығ салылча.
Коринфтегілерге пастағы пічікнең танысханы
Позының пічиинде Павел пір чӧптіг паза нравственнай саринаң арығ полары, хыныс паза тіріліске киртініс нинҷе аарлығ полчатханнаңар пасча.
Коринфтегілерге ікінҷі пічікнең танысханы
«Ноо даа часхарыстың Худайы» Иегова нымысчыларына хабасча паза оларны тыытча.
Галат чиріндегілерге пічікнең танысханы
Галат чиріндегілерге пічік Павел пасхан туста даа, ам даа тузалығ. Ол пічік христианнарға Худайға киртістіг халарға полысча.
Ефестегілерге пічікнең танысханы
Пу пічікте Иисус Христостың пастыра амыр чуртас турғыс саларынаңар Худайның сағын салған сағызынаңар чоохталча.
Филипптегілерге пічікнең танысханы
Сынағларда киртістіг халчатханыбыс пасхаларына Худайға киртістіг халарға полыс пирерге айабас.
Колосстағыларға пічікнең танысханы
Алған пілістернең тузаланчатсабыс, прай чӱрекнең пасхаларының пыроларын тастапчатсабыс, Христостың пӧзік орында турчатханын паза аның ӱлгӱзін аарлыға санапчатсабыс, Иегованың кӧңніне кірчебіс.
Фессалониктегілерге пастағы пічікнең танысханы
Піске духовнай уйғаа пастырбасха, прай нимені сынирға, сыбыра пазырарға удур-тӧдір кӧңнілерібісті кӧдірізерге кирек.
Фессалониктегілерге ікінҷі пічікнең танысханы
Павел Иегованың кӱні чит килді тіп саба сағыстарны тӱзетче паза харындастарны пик киртіністіг халарға кӧӧктірче.
Тимофейге пастағы пічікнең танысханы
Павел илҷі Тимофейге пастағы пічікте ӧменең палғалыстығ организационнай сурығларны пӧгерге устағлар пирче, чой ӱгредіглердең хыйа тудынарға паза ахчаа сабылбасха чоохтапча.
Тимофейге ікінҷі пічікнең танысханы
Павел Тимофейні нымысчыланысха пӱкӱлее пирінерге кӧӧктірче.
Титке пічікнең танысханы
Павел Титке пасхан пічікте Критте ӧмелердегі сидіктерні хайди пӧгерге чӧптер пирче паза ах сағал поларға хынчатханнардаң ниме киректелчеткеннеңер пасча.
Филимонға пічікнең танысханы
Пу хысхаҷах, че чӱрекке теепчеткен пічікте пазымнығ тудыныстаңар, паарсастаңар паза пыро тастирдаңар ӱгредіглер пазыл парғаннар.
Еврейлерге пічікнең танысханы
Христианнарның Худайға пазырғаннары храмнарда пазырғанынаң паза тайығлар пирерінең артых.
Иаковтың пічиинең танысханы
Иаков христианскай аарлығ принциптерні, кізі сағызында халчатхан кӧзідімнернең тузаланып, чарыда чоохтапча.
Петрның пастағы пічиинең танысханы
Петр христианнарны духовнай киректернең айғазарға паза Худайға прай сағыссырастарын салыбызарға кӧӧктірче.
Петрның ікінҷі пічиинең танысханы
Петрның ікінҷі пічиинде наа тигірні паза наа чирні сахтап, Худайға киртістіг халарға киректеңер чоохталча.
Иоанның пастағы пічиинең танысханы
Иоанның пічии антихристке киртінмеске чоохтапча паза нимее хынарға, нимені хырт кӧрерге піліп аларға полысча.
Иоанның ікінҷі пічиинең танысханы
Иоанның ікінҷі пічии пісті Худайның сынында чӧрерге паза кізіні алаахтырчатханнарға тоғыр турарға хығырча.
Иоанның ӱзінҷі пічиинең танысханы
Иоанның ӱзінҷі пічиинең христианнарның аалҷы кӧреечі полғаннарын піліп алчабыс.
Иуданың пічиинең танысханы
Иуда, христианнарны алаахтырып, оларның киртіністерін сайбабызарға кӱстенчеткеннернің кӧйтіктеністерін ілезіне сығарча.
Азых чоох тіп кинденең танысханы
Азых чоох тіп киндеде Худайның чирдеңер паза кізілердеңер сағын салған сағызы хайди Хан-ӱлгӱ пастыра толары хайхастығ кӧспектернең кӧзіділче.
Библиянаң танысханы
Хайди Худайның Хан-ӱлгӱзі Иисус Христос пастыра Иегованың адын ахтапча тіп теманы полған на кинде хайди чарытчатханын кӧріп алыңар.
