Позынаңар иртіре кӧп сағынминчатхан кізі пасхаларын улуғлапча. Позын пасха кізілердең пӧзік санабинча паза кізілер ағаа иртіре кӧп хайығ салзыннар тіп сағыбинча. Постарын иртіре пӧзік санабинчатхан кізілер пасхаларынаңар сағынчалар паза ӱгренерге тимделер.

Піреелері иртіре пӧзік сананминчатхан кізілерні уйан кізілер тіп санапчалар, че сынында олар уғаа кӱстіг кізілер. Олар постарының алҷаастарын паза нимее чит поларларын пілінчелер.

• Постаңар иртіре кӧп сағынмааны палғалыстарны тыытча. Пір киндеде пазылча: «Постарынаңар иртіре кӧп сағынминчатхан кізілер нанҷыларны оой таап алчалар». Ідӧк ол киндеде «андағ кізілерге ибіркі кізілернең тіл алызарға оой» тіп чоохталча (The Narcissism Epidemic).

• Постаңар иртіре кӧп сағынмааны палаа алнынзархызында туза полар. Психолог Леонард Сакс пасча: «Позын иртіре пӧзік сананчатхан паза читпес сариларын пілінминчеткен оол алай хыс, тоғысха кірчетсе, пастыхтың кӧңніне кірбес. Че пастыхтың чооғына сынап хайығ салчатхан кізі тоғысха хай-хай табырах кіріп алар» a.

Паланы позынаңар синінҷе сағынарға ӱгредіңер.

БИБЛЕЙСКАЙ ПРИНЦИП: «Пір дее нимее чарабинчатхан кізі, позын кӧдірчетсе, позы позын алаахтырча» (Галат чиріндегілерге 6:3, НТ).

• Чит полбас нимелерге ізендірбеңер. «Синің прай сағыстарың тол парарлар» алай «Син прай нимее чидіп аларзың» тіп молҷааны уғаа сіліг истілче, че сынында андағ ниме полбинча. Сірернің палаңар сынап чит полар кӧстеглер турғысса паза оларға чидерге кӱстензе, маңнаныстығ полар.

• Иткен киректернің ӱчӱн махтаңар. Онааға ла махтап турзар, пала позынаңар иртіре кӧп сағынмасха ӱгрен полбас. Иткен киректер ӱчӱн махтаңар.

• Палаа социальнай сетьтерде нинҷе тус иртірерге чарир азынада чоохтап пиріңер. Социальнай сетьтер удаа махтанарға оңдай пирчелер. Кізілер анда постарының таланттарын паза чидіглерін иртіре махтапчалар. Анзы, тізең, посты иртіре кӧп санабаанынаң саңай тоғыр ниме.

• Паланы сах андох пыросынарға ӱгредіңер. Паланы, алҷаас ит салза, алҷаазын пілінерге паза пыросынарға ӱгрет салыңар.

Алғыстығ поларға ӱгредіңер.

БИБЛЕЙСКАЙ ПРИНЦИП: «Алғыстығ полыңар» (Колосстағыларға 3:15).

• Чир-чайаанның ӱчӱн алғыстығ поларға. Піс чир-чайаан чох чуртап полбасчыхпыс. Кізі кии, суғ паза чиис чох чуртап полбинча. Аннаңар палаа пістің ибіркі чир-чайаанны аарлыға санап оңнирға кирек. Ол нимелерні палаларға чарыда чоохтап, оларны алғыстығ поларға ӱгредіңер. Чир-чайаанның сілиин кӧрерге паза ағаа ӧкерсінерге полызыңар.

• Кізілернің ӱчӱн алғыстығ поларға. Палаа полған на кізі нименең-де синнең артых тіп чоохтаңар. Аннаңар кізее атархир орнына, аннаң ӱгренерге паза оларның опыттарын аларға кирек тіп чоохтап турыңар.

• Алғыс сӧстері. Паланы, тарап парған на сӧстернең нимес, прай чӱрекнең алғыстирға ӱгредіңер. Постаңар иртіре кӧп сағынминчатхан кізі алғыстығ кізі полча.

Пасха кізілерге полызарға паза анзын аарлыға санирға ӱгредіңер.

БИБЛЕЙСКАЙ ПРИНЦИП: «Постаңар иртіре кӧп сағынмаңар паза пасхаларын постарыңнаң пӧзік санаңар. Постаңар ла нимес, че пасхаларынаңар даа сағыссыраңар» (Филипптегілерге 2:3, 4, НТ).

• Паланы ибдегі киректерні иттіріңер. Паланы ибде тоғындырбин, сынында сірер ағаа піди тіпчезер: «Пу тоғыс сағаа нимес. Синің хай-хай артых киректер пар!» Че пастағы орында ӱтертініс нимес, ибдегі киректер поларға кирек. Ибдегі киректерні идіп, син пасхаларына хынызыңны кӧзітчезің, аннаңар олар сағаа уғаа тың алғыстығ поларлар тіп палаа чарыда чоохтап турыңар.

• Паланы пасхаларына полызарға ӱгредіңер. Пір дее кізее полыспин, пала пызығ кізі пол полбас. Аннаңар аны кемге полызығ кирек полчатханын сизінерге ӱгредіңер. Пасха кізілерге полызарға хынчатхан ӱчӱн махтаңар.