Ирепчее, ікі пилот чіли, пір чӧптіг тудынарға кирек. Сидіктерге урунзалар, оларға, постарынаңар ла сағынмин, ирінеңер алай ипчізінеңер сағынарға кирек.

БИБЛИЯДАҒЫ ПРИНЦИП: «Іди олар, паза ікі кізі полбин, пір пол парчалар» (Матфей 19:6).

«Хоных пик полар ӱчӱн, ирепчі пір команда осхас поларға кирек» (Кристофер).

Ирепчілер пір чӧптіг полбазалар, сидіктерні хада пӧгер орнына удур-тӧдір пыроласчалар, іди олар кічіг сидікті улуғ сидікке айландыр салчалар.

«Хоныхта пір чӧптіг полғаны уғаа аарлығ. Пір чӧптіг нимес ирепчілер хонҷыхтарға тӧӧйлер. Олар пір турада чуртапчалар, че сидіктерні пос алынҷа пӧкчелер» (Александра).

ПОСТАРЫҢНЫ СЫНЫХТАП КӦРІҢЕР

• Тоғынып алған ахча мини ле тіп санапчам ма?

• Чахсы тынанып алар ӱчӱн, мағаа ирімнең алай ипчімнең оонаң тынанарға кирек пе?

• Ирім алай ипчім туғаннарынаң туғаннасчатса, мин олардаң оонаң тудынарға кӱстенчем ме?

ХАДА ӰЗӰРІБІЗІҢЕР

• Хаҷан піс пір чӧптіг полчабыс?

• Хайдағ киректерде піске удур-тӧдір хабазарға кирек?

• Пір чӧптіг полар ӱчӱн, піске ниме идерге кирек?

ЧӦПТЕР

• Теннисте сетканың ікі саринда турып, удур-тӧдір тоғыр ойнапчатхан кізілерге тӧӧй полбаңар, сетканың пір саринда, пір командада ойнаңар.

• «Хайди мағаа утып аларға?» тіп сағынмин, «Хайди піске утып аларға?» тіп сағыныңар.

«Кем пыролығ, кем пыролығ нимес тіп таласпаңар. Сӧбіреде амыр паза истіг полғаны хай-хай аарлығ» (Итан).

БИБЛИЯДАҒЫ ПРИНЦИП: «Полғаныңар постаңар ла нимес, че пасхаларынаңар даа сағыссыраңар» (Филипптегілерге 2:3, 4).