Чобағлар полза даа, ізеніс пар

«Тӱгенҷі кӱннерде сидік тустар полыбызарын піл» (2 ТИМОФЕЙГЕ 3:1).

СІРЕРГЕ пу чобағлардаңар истерге алай кӧрерге киліскен, арса.

● Чуғынҷах ағырығ тарап сыххан ӱчӱн, кӧп кізі ӱреп парған.

● Ӧзӧгіп, чӱзер кізі ӱреп парған.

● Чир тітіреені муңар кізінің чуртастарын апарыбысхан паза уғаа кӧп кізіні чурт чох артыс салған.

Мының соондағы статьяларда андағ чобағлардаңар пазылча. Ідӧк ол статьяларда андағ чобағлар Библияда пазылған «тӱгенҷі кӱннерні» * таныхтапчатханын кӧзітчелер.

Пу статьялар сірерні чобағлар толдыра чир-чалбахта чуртапчабыс тіп киртіндірерге кӧстег тутпинчалар. Сірер анзын постарың даа кӧрче поларзар. Пу статьялар сірерге ізеніс таап аларға полыс пирерлер. Оларда Библияда пазылған алты ухаанҷылас ӱзӱрілче. Ол ухаанҷыластарның толғаны «тӱгенҷі кӱннер» тоозылчатханын кӧзітче. Ағаа хоза ол статьяларда ухаанҷыластар толчатханына киртінминчеткен тоғыр чоохтар пазылчалар паза ноға чахсы чуртас поларына ізенерге чариры кӧзіділче.

[Сноска]