4. Хыныс читпинчеткені

«Кізілер... туғаннарына чапсынмас поларлар» (2 ТИМОФЕЙГЕ 3:1—3, НТ).

● Крис алтынзархы Уэльсте сӧбіреде иреелеттірчеткеннерге полысчатхан организацияда тоғынча. Ол чоохтапча: «Пірсінде мының алнында полызығ сурынып айланған ипчі килген. Ол іди тың сохтыр салтыр, мин аны таныбаам даа. Пірее ипчілерге андағ тирең эмоциональнай палығ ит пирчелер, олар кізі харағын даа кӧрерге уйатчалар».

ФАКТТАР НИМЕ КӦЗІТЧЕЛЕР? Пір африканскай хазнада полған на ӱзінҷі ипчее кічіг тустох кӱл салчаттырлар. Олох хазнада опрос иткеннер: андағы иреннернің ӱзінҷі чардығы ипчізін соғарға чарир тіп санапчаттырлар. Сӧбіредегі кӱстегдең ипчілер ле ирееленминчелер. Кӧзідімге, Канадада 30-ча процент иреннерні ипчілері иреелепчелер.

ТОҒЫР ЧООХ. Сӧбіреде кӱстег сыбыра полған. Пістің кӱннерде, тізең, ағаа кӧп хайығ сал сыхханнар.

АНЗЫ АНДАҒ БА? Халғанҷы онар чылларда пу киректеңер сынап кӧп чоохталча. Че аның ӱчӱн сӧбіреде кӱстег хызырыл парды ба? Чох. Пӱӱн туғаннар аразында хыныс читпинчеткені уғаа чахсы кӧрінче.

ХАЙДИ САҒЫНЧАЗАР? 2 Тимофейге 3:1—3-гі сӧстер толчалар ба? Кӧп сӧбірелер хыныс чох чуртапчатханнарын сизінчезер бе?

Пӱӱнгі кӱннерде толчатхан пизінҷі ухаанҷылас чирдеңер, пістің прайзыбыстың чуртыбыстаңар. Кӧріңер, Библияда аннаңар ниме чоохталча.

[Вставка]

«Сӧбіредегі кӱстег статистикаа уғаа асхынах кірче тіп санапчалар. Ортымахти ипчілер полициязар иріне 35 хати сохтырған соонда ла айланчалар» (УЭЛЬСТЕГІ СӦБІРЕДЕ ИРЕЕЛЕТТІРЧЕТКЕННЕРГЕ ПОЛЫСЧАТХАН ОРГАНИЗАЦИЯДА ТОҒЫНЧАТХАН КІЗІ).