6. Чахсы хабар прай чир ӱстӱнде искірілче

«Тигір хан-чирінеңер Чахсы Хабарны прай чир ӱстӱндегі чоннар иссіннер тіп, чоохтирлар» (МАТФЕЙ 24:14).

● Ваиатеа Тихай океандағы Туамоту олтырыхтарның пірсінде чуртапча. Туамоту архипелагха коралларнаң пӱткен 78 олтырых кірче. Оларның площадьы 810 000 квадратнай километр, анда 16 000 на кізі чуртапча. Андағ даа полза, Ваиатеа паза аның хонҷыхтары Иегованың киречілерін таныпчалар. Анзы хайхастығ нимес, Иегованың киречілері Худайның Хан-ӱлгӱзініңер чахсы хабарны прай кізілерге, олар хайда даа чуртапчатсалар, читір пирерге кӱстенчелер.

ФАКТТАР НИМЕ КӦЗІТЧЕЛЕР? Худайның Хан-ӱлгӱзініңер чахсы хабар чирнің прай хыриларына читкен. 2010 чылда ла Иегованың киречілері 236 хазналарда паза территорияларда чахсы хабарны 1 миллиард 600 миллион азыра час искіргеннер. Оларның полғаны ла Худай сӧзін кӱннің сай ортымахти 30-ча минут искірген. Халғанҷы он чыл аразына Иегованың киречілері 20 миллиард азыра Библияда тӧстелген пічіктерні, сығарып, тарадыбысханнар.

ТОҒЫР ЧООХ. Библиядағы хабарны нинҷе-нинҷе век искірчелер.

АНЗЫ АНДАҒ БА? Библиядағы хабарны кӧп кізі искірерге кӱстенген. Че оларның кӧбізі ӱр нимес ле паза хайдағ-да ла орында искірҷең. Иегованың киречілері, тізең, чахсы хабарны искірерін прай чир ӱстӱнде организовывать полчалар. Аннаңар аны чӱзер миллионнар исчелер. Иң хазыр политическай режимнер тоғырланзалар даа, олар чахсы хабарны искірерін тохтатпаҷаңнар (Марк 13:13) *. Ағаа хоза, Иегованың киречілері постарының тоғыстарының ӱчӱн ахча албинчалар. Олар постарының тустарын, хынып, тайыға салчалар паза Библияда тӧстелген пічіктерні тӧлег чох таратчалар. Прай оларның тоғызы пос кӧңнінең тайыға салған ахчанаң иділче.

ХАЙДИ САҒЫНЧАЗАР? «Тигір хан-чирінеңер Чахсы Хабар» сынап прай чирде искірілче бе? Пу ухаанҷылас толчатханы ӱр ниместең чуртас чахсы саринзар алызарын кӧзітче бе?

[Сноска]

[Вставка]

«Иегова чаратчатхан прай туста Хан-ӱлгӱдеңер чахсы хабарны, полған на оңдайнаң тузаланып, искірербіс» («ЕЖЕГОДНИК СВИДЕТЕЛЕЙ ИЕГОВЫ», 2010 ЧЫЛ).