«Синің адыңны астым»

«Чир-чалбахтаң таллап, Мағаа пирген кізілеріңе Синнеңер чоохтаам. [...] Оларға синің адыңны астым, мыннаң мындар даа ас турарбын» (ИОАНН 17:6, 26, НТ).

Анзы нимені таныхтапча? Иисус Худайның адын, аннаңар чоохтап, асхан. Ызых Пічікті хығырып, — анзын, тізең, ол удаа итчең, — Иисус Худайның адын адаҷаң (Лука 4:16—21). Ол ӱгренҷілерін піди пазырарға ӱгреткен: «Тигірдегі Пабабыс! Синің Адың сабланзын» (Лука 11:2).

Пастағы христианнар хайди тудынғаннар? Петр илҷі Иерусалимдегі ах сағалларға Худай аймах-пасха чоннардаң аның адын ал чӧрер чон чыып алған теен (Илҷілернің 15:14, НТ). Илҷілер паза пасха даа христианнар «Иегованың адын хығырчатхан ноо даа кізі арачыланып алар» тіп искіргеннер (Илҷілернің 2:21; Римдегілерге 10:13, НТ). Ідӧк олар постарының пічіктерінде Худайның адын пасчаңнар. П. э. ӱзінҷі вегінің халғанҷы чылларында пазыл парған Тосефтте, иудейлернің чахығларының чыындызында, христианскай пічіктер кӧйчетселер, ниме оларнаң идерге устағлар пазыл парған: «Ми́ннернің [еврей христианнардаңар чоох парча] Чахсы хабарлары паза пасха даа кинделері кӧйчетселер, оттаң сығарбинчалар, че оларны, анда Худайның ады пазылған полза даа, кӧйерге артыс салчалар».

Пӱӱн кем іди тудынча? США-дағы Христостың тигіриблерінің национальнай чӧбі английскай тілге тілбестелген Библияны сығарарға чаратхан. Ол тілбестеге сӧс алнында чоохталча: «Пір ле чалғыс Худай пар, пасха худайлар чоғыл, аннаңар чалғыс Худайның адын иудаизмде христианскай эраның алнындох адабин сыхханнар. Тилекейдегі Христианскай Тигірибге дее аны адирға кирек чоғыл» (Revised Standard Version). Аннаңар ол тілбестегде Худайның адын «Хан-Худай» тіп титулнаң алыстырыбысханнар. Ӱр ниместе Ватикан епископтарға устағ пирген. Анда пазылча: «Сарыннарда паза пазырыстарда Худайның адын таныхтапчатхан ЙХВХ * тетраграмматонны адирға чарабас».

Кем пӱӱн Худайның адын адапча? Кем аны чонға асча? Сергей саарбах тузында, Киргизияда чуртаанда, фильм кӧріп алған. Ол фильмде Худайның ады Иегова адалған. Анаң ол он чылҷа Худайның адын испеен. Соонаң Сергей США-зар кӧс парыбысхан. Анда Сергейзер Иегованың киречілері килгеннер. Олар ағаа Худайның адын Библияда кӧзіт пиргеннер. Сергей Иегова тіп атты адапчатхан кізілерні таап алғанына уғаа тың ӧрінген. Уэбстернің чоннар аразындағы наа сӧспегінің ӱзінҷі сығарызында «Иегова Худай» тіп статьяда піди пазылча: «Прайзы пілчеткен иң пӧзік Худай. Иегованың киречілері ағаа ла пазырчалар».

[Сноска]